Le Auala ua Faia ai e Nisi ni Foai i le Galuega Tala‘i o le Malo

Le Auala ua Faia ai e Nisi ni Foai i le Galuega Talaʻi o le Malo

◻ MEAALOFA MO LE GALUEGA I LE LALOLAGI AOAO: E toatele tagata latou te vavae ese se vaega tupe pe faasoa se tupe e lafo i pusa o loo faailogaina o: “Meaalofa mo le Galuega a le Sosaiete i le Lalolagi Aoao—Mataio 24:14.” E avatu e faapotopotoga i masina taitasi ia tupe i le ofisa ulu i Brooklyn, i Niu Ioka, po o so o se ofisa o le lālā e latalata ane.

◻ MEAALOFA: O foai tauofo o tupe e mafai ona auina saʻo atu lava i le Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, pe auina atu i le ofisa o le Sosaiete lena o loo vaavaaia lo outou atunuu. E mafai foi ona foai atu maatāua po o isi mea tāua. O na foai e tatau ona auina atu faatasi ma se tusi puupuu e faamanino atu ai o lena foai o se foai patino lava.

◻ FUAFUAGA O FOAI E IAI MA NI TUUTUUGA: E mafai ona auina atu i le Watch Tower Society se tupe e teuina ai o se mavaega seia maliu lē na ia foaiina atu lena vaega tupe, ma se fuafuaga o le a toe faafoi i le tagata e ana le foai pe afai na te manaomia.

◻ INISIUA: E mafai ona faaigoaina le Watch Tower Society o sē e mauaina le inisiua o ola o tagata po o taui e maua pe a faamālōlō litaea pe penisione le tagata. E ao ona logoina le Sosaiete pe a faia sea fuafuaga.

◻ TEUGA TUPE: O teuga tupe, o tusi o teuga tupe tetele, po o ni vaega tupe a le tagata pe a mālōlō litaea, e mafai ona faia faamavaega i le Watch Tower Society, pe totogi atu i ai pe a maliu lē e ana, ina ia tusa ai ma faatulagaga manaomia a le faletupe o lea atunuu. E tatau ona logoina le Sosaiete pe a faia so o se fuafuaga faapea.

◻ OLOA MA PEPA FAAMAONIA MO TUPE: O oloa ma pepa faamaonia mo tupe e mafai ona foai atu i le Watch Tower Society a lē o se meaalofa e tuusao, po o se fuafuaga e faapea o se tupe maua e faaauau pea ona totogi atu i le tagata e ona le foai.

◻ FANUA MA FALE: O fanua ma fale e mafai ona faatauina atu, e mafai ona foai atu i le Watch Tower Society e ala i le faia o se meaalofa e tuusao po o le taofia lea ia faaauau ona nofo ai pea lē e ana seia maliu. E ao i lena tagata ona faafesootai le Sosaiete a o ia leʻi faapepaina so o se fanua totino o le a ia foai atu mo le Sosaiete.

◻ UILI MA MAVAEGA: E mafai ona faaui atu se mea totino po o se vaega tupe i le Watch Tower Bible and Tract Society of Pennsylvania e ala i se uili ua faatulafonoina, pe avea foi le Sosaiete ma ē e mauaina le mavaega. O se mavaega e faia mo le manuia o se faalapotopotoga faalelotu atonu o le a iai ni lelei i le itu tau lafoga. E tatau ona auina atu i le Sosaiete se kopi o le uili po o le mavaega.

◻ FOAI UA UMA ONA FUAFUAINA: Ua faia e le Sosaiete ni faamatalaga e faatatau i “Foai ua Uma ona Fuafuaina.” O i latou o loo fuafua e faia se meaalofa faapitoa i le Sosaiete i le taimi nei, po o le tuu o se faamaoniga tusitusia i le taimi o le maliu, atonu o le a aogā i ai lenei faamatalaga. Ua moni lenei mea, ae maise lava pe a latou mananao e faia nisi fuafuaga a le aiga po o ni meatotino ua fuafuaina, a o faaaogaina ai tupe o lafoga e faaitiitia ai le tupe e totogi mo lafoga na e manaomia ona totogia. E mafai ona maua mai lenei faamatalaga, pe a tusi atu i le Sosaiete i le tuatusi o loo taʻua i lalo.

Mo ni faamatalaga atili e tusa ai ma ia tulaga, faamolemole ia tusi atu i le Treasurer’s Office, Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, po o se ofisa o le lālā a le Sosaiete o vaaia lo outou atunuu (mo Samoa, ia tusi atu i le I.B.S.A., Box 673, Apia, Western Samoa).