Ia Paia i Au Amioga Uma
1 E pei ona i ai i aso ua tuanai, o le paia o se mea manaomia tauatua mo auauna a le Atua i aso nei. O se manaoga faanatinati la ua i ai mo i tatou taitoatasi ia malamalama aʻiaʻi e le gata o le ā le paia ae faapefea foi ma aiseā e tatau ai ona mataulia ai la tatou tapuaiga ia Ieova. I lenei tulaga, o le a talanoaina ai le matua “Ia Paia i Au Amioga Uma” i le polokalama o le aso fono faapitoa mo le tausaga faaleauaunaga 1991.—1 Pete. 1:15.
2 Ona o mataupu silisili amiotonu ma tulafono a Ieova e tupuga mai ia te ia o le Atua Paia, o le tulaga amiotonu o loo tatou olioli ai o se iʻuga tuusaʻo lea o la tatou faiā vavalalata, totino ma ia. O lea, o le a fafau aʻe e le polokalama se numera o auala e faaalia ai pe mafai faapefea ona faaleleia la tatou faiā ma le Atua. E aofia i ia le usiusitai i ana faatulagana paia, e oo i mea e ono manatu i ai o mea laiti. (Luka 16:10) O le a fesoasoania i tatou e atiina aʻe se talisapaia loloto mo mea manaomia paia a Ieova ma faamanatu mai ai pe aiseā e tatau ai i ia ona faaafia ai o tatou mafaufauga, uiga, ma ala uma.
3 E lua lauga autu o le a fafau aʻe ai o le “Gauai ina ia Faamamaina Auiluma” ma “Gaoioiga Faalauteleina a Tagata Paia o Ieova.” A o faamamafa i o tatou mafaufau e mea tutupu lē maalofia o le lalolagi i aso faisoo le faanatinati o ō tatou taimi, o le a uunaia e le polokalama o le aso fono faapitoa mo le tausaga fou faaleauaunaga i tatou e faaauau ona tagai atu ia Ieova mo le taʻitaʻiga ma saili ia talileleia e ia i le pulea o i tatou lava ia paia.—1 Pete. 1:14, 16.