Pusa Fesili

● O ā mea moni e ao ona teu i manatu pe afai e galueaina e ni faapotopotoga se lua pe sili atu e eseese gagana se oganuu e tasi?

I le lomiga o Mati 1984 o La Tatou Faiva o le Malo (faa-Peretania), i lalo o le “Taulimaina o le Tala Lelei,” na taʻua ai faapea: “E ao i tagata talaʻi o faapotopotoga taitasi ona taulai atu a latou taumafaiga ia latou lava vaega patino o gagana.” Ua mafua lenei ona o le oganuu tofia a faapotopotoga i nofoaga e tele gagana ua faia e tusa ma le gagana. Atonu e aogā ona faia e faapotopotoga o loo galulue i se oganuu e tele gagana se lisi o aiga ma fale e lē tatau ona asiasi i ai a latou tagata talaʻi. O le avega tauave a ovasia o le auaunaga a faapotopotoga o loo aafia ai le faatinoina o se faiga e ōgatasi ma talia mo le galueaina maeʻaeʻa o le oganuu ma taʻitaʻiina ai ē naunau i le faapotopotoga e talafeagai. E ao ona faatinoina o lenei ina ia alofia ai e tagata o aiga le faasoesa faaletatau e tagata talaʻi o faapotopotoga e eseese gagana, atonu i se taimi e tasi i le taeao po o le aoauli. Tatou te lē mananao e “tuuina atu se mea e faalavelave ai le tala lelei ia Keriso.”—1 Kori. 9:12.

A manaomia ona faia o ni fetuutuunaiga ona o le siitia ese o tagata, ia vave ona auina atu igoa ma tuatusi o tagata naunau i le faapotopotoga talafeagai. O le a fesoasoani lenei i le tausia o faamaumauga o oganuu ia auiluma. E matuā tāua ai le alofa, le manatu o le tasi i le isi, femalamalamaai, fefulifulisai, ma le felagolagomai.—Fili. 4:5.

Atonu e mafai e tagata talaʻi ona ave ni lomiga i isi gagana, pe a auai i le galuega i le auala, molimau ē fuafuaina, atoa ma isi. Peitai, a galulue i lea fale ma lea fale, e masani ā ona tatou lē ofoina lomiga i gagana e ese mai le gagana a la tatou faapotopotoga. Teu i manatu o oganuu i na nofoaga ua sauniunia e tusa ma le gagana, ina ia mafai ai foi e tagata talaʻi e tuuina lomiga ona faasino le tagata o le aiga e naunau i sauniga a le faapotopotoga o loo faia i le gagana e sili ona malamalama ai pe lelei i le tagata o le aiga.

E manino lava e iai taimi o le a fesopoai ai nisi o a tatou taumafaiga. Ae e pei ona taʻua i le mataupu ua faasino i ai i luga, “o se mea lelei ona faatumutumu i le mafaufau faapea a o tatou talaʻi, o la tatou fuafuaga o le faia o soʻo—ia aʻoaʻoina le upu moni. (Mata. 28:19, 20) E ao ona faatino le aʻoaʻo atu i le gagana e sili ona malamalama ai tagata. (1 Kori. 14:9)” I le uaʻi atu o la tatou faiva i tagata o ē sili ona malamalama pe lelei ia i latou le gagana a le faapotopotoga o loo tatou auai, e mafai ai ona faataunuu le tele o mea lelei e fesoasoani i isi e toatele ia maua le olataga.