Fesoasoani i Isi ia Tomai i le Faaaogāina o le Afioga a le Atua
1 E fau ma soloi sauniuniga ua faia e Ieova mo le toleniina o i tatou ia uigā i le faatinoina o la tatou faiva totino. I le faaaogāina o mea ua ia sauniunia, ‘ua saunia ai o tatou lava ala.’ (Sala. 37:23) E pei o se faaaʻoaʻoga, ua aumaia e le Aʻoga o le Faiva Faatiokarate se toleniga auiluma i le atamai e tautala ai ma aʻoaʻo atu mo le toeitiiti lava 50 tausaga. Ua faaopoopo atu i lenei le Sauniga o le Auaunaga faalevaiaso, faatasi ma ona lauga faatino, faataʻitaʻiga, ma vaega o talanoaga.
2 Ua tatou maua aogā mai asiasiga e le aunoa a ovasia matagaluega. E asia e le ovasia o le auaunaga vaega taitasi o suesuega tau tusi ma saunia ai faalaeiauga alofa e fesoasoani i le faaleleia o o tatou tomai i le faiva i le lautele. Faatasi ma nei mea uma, o taimi taitasi tatou te feiloai ai mo le auaunaga i le fanua, ua aumaia ai faatonuga faatino ma faufautuaga aogā e taʻi sefulu minute mo lena aso. (Epe. 10:23-25) O na faatatauga e ala mai i lana faalapotopotoga e faaalia ai le manatu alofa o Ieova mo i latou ua ia faatonuina e talaʻi le tala lelei.
FESOASOANI I TALAVOU MA TAGATA AʻOGA O LE TUSI PAIA
3 E manaomia e tagata talaʻi talavou ma ē fou le fesoasoani totino e le aunoa i le faiva i le lautele. A o mafai e i tatou uma lava ona ofoina atu le fesoasoani mai lea taimi i lea taimi, o le avega tauave autū e paʻū i luga o mātua ma i latou o ē o loo faafoeina suesuega faale-Tusi Paia ma i latou na. (Kala. 6:6; Efe. 6:4) O le uigā i le faaaogāina o le Tusi Paia e lē otometi ona maua a o mavae atu le taimi ma sina fua o le agavaa. Na i lo lea, o loo iai se manaoga mo se fesoasoani alofa totino faifai pea ma toleniga.
4 E ao ona amata le fesoasoani totino a o leʻi auai moni le tagata i le faiva. Autalu le Mataupu mo Talanoaga. Fesoasoani ia i latou ua agavaa e saosaolaumea i le faiva e fafau aʻe se taulimaga faigofie. Atonu e mafai ona latou faaaogā na o se mau e tasi ua fautuaina seia oo ina lava lo latou agavaa ma mautonu. A o galulue faatasi i le auaunaga, faaalu le taimi i le va mai lea fale i lea fale e avatu ai se faamālō ma saunia ai ni faufautuaga agalelei pe faapefea ona faaleleia. Faamamafa le manaoga ia tausisi pea i le faia o tatalo i taimi uma.—Efe. 6:18, 19.
5 E ui ina toatele paeonia sauatoa ma isi tagata talaʻi agavaa e auai i le faiva ae maise lava aso o le vaiaso, maeu se mea matagofie pe a fai e mafai ona toe fefulisai e nei tagata talaʻi uigā a latou faasologa ina ia lagolagosua ai i le auaunaga i le fanua i faaiʻuga o le vaiaso mai lea taimi i lea taimi. O sea faataulagaina totino i la latou vaega o le a sapaitalia tele e isi o ē o loo fia faaleleia i le galulue faatasi ma i latou i le faiva.—Fai. 4:9, 10.
6 O i tatou uma lava sa fou mai ma na lē agavaa i le faiva i le fanua i se taimi. E toatele i tatou na maua faalaeiauga ma toleniga mai tagata talaʻi e sili atu ona agavaa po o paeonia. O lo tatou tomai o loo iai nei ma le faateleina o le olioli i le faiva o ni taunuuga tuusaʻo o lena fesoasoani. (Faata. 27:17; Galu. 20:35) Talosia ia avea lo tatou talisapaia mo mea ua faia e Ieova mo i tatou e ala i toleniga olaola i le faiva e uunaia ai i tatou e faaavanoa i tatou lava e fesoasoani atu i isi ia oo ina tomai atili i le faaaogāina o le Afioga a Ieova.