Polokalama Fou o le Fonotaga Matagaluega
1 E amata ia Setema, o le matua mo fonotaga matagaluega o le a iai e faapea, “Ia Faalogo ma Aʻoaʻo e Usiusitai i le Afioga a le Atua.” O lenei matua e faavae mai i le Teuteronome 31:12, 13, ua fetaui ona faaautū i ai le polokalama atoa o loo faamatilatila mai ai lesona o tatou manaomia ona aʻoaʻoina ma faatatauina.
2 E ui lava ina fiafia le toatele o tagata i aso nei e faalogologo i faamatalaga faagaeeina taufaasese, a e o loo iai se manaoga tāua mo i tatou taitoatasi ia faalogo atu i le Afioga a le Atua ma aʻoaʻo e usiusitai i ai. (Luka 11:28; 1 Timo. 4:1) O le manatunatu i lenei mea, ua fuafuaina ai le polokalama o le fonotaga matagaluega ia saunia mai ai faalaeiauga ma fesoasoani mo le au talaʻi, o aiga, o toeaina ma paeonia. I le Aso Toonai, o le a iai se laugafaasolo e fa vaega e faatatau i le mataupu “Onosaia o O Tatou Faafitauli e Ala i le Uai atu i le Afioga a le Atua.” I le taeao o le Aso Sa, o le a iai se lauga faasolo e faamatuaina e faapea, “Le Auala e Aʻoaʻi ai e le Tusi Paia i le Amiotonu.” O le polokalama atoa o le a aumaia ai faamalosiauga faaleagaga ia e lē tatau ona e misia ma lou aiga.
3 O le a aumaia ma faataʻitaʻia mai fautuaga aogā mo le auaunaga i le fanua, i aso uma ia e lua o le Aso Toonai ma le Aso Sa. O le a fai mai ai foi faatalanoaga ma tala i mea tutupu e faasaʻosaʻo ai ma faamalosiau ai i tatou. O lea, i le auai ma faalogologo lelei ma le manatu ia maua ni mea aogā e faatinoina, o le a e iai la i se tulaga lelei i le faataunuuina atoatoa o faatonuga o le Afioga a le Atua.
4 O se tasi o vala tāua o le a iai o le fonotaga matagaluega o le papatisoina o uso ma tuafāfine fou tuuina atu. O le mea moni, a o lei taitai faatinoina lenei faailoaga i le lautele o lo latou tuuina atu, e ao i sui papatiso ona faaalia lo latou faanaunauga mo le fia papatisoina i le ovasia taʻimua, ina ia ona faatulagaina ai toeaina e talanoa ma i latou.
5 O le lauga lautele mo lenei fonotaga matagaluega, ua faamatuaina e faapea, “Aisea e Taʻitaʻia ai e le Tusi Paia?” Ia valaaulia tagata loto fiafia ina ia auai. Ina ia faatalitalia ma le naunautai le tele o faalaeiauga manaomia o le a mauaina e oe ma lou aiga atoa, o lea, ia fai ni fuafuaga maʻoti ina ia auai mo le polokalama atoa.