Sauniuni Lau Taulimaga mo Tesema
1 I le faagasologa o tausaga, ua toetoe lava aafia i a tatou lomiga taitasi uma i nisi auala le soifuaga ma le faiva a Iesu Keriso. Ua talafeagai lelei lava lena mea, ona “e leai foi se tasi ua i ai le ola; e leai lava se isi igoa i lalo o le lagi ua foaiina mai i tagata, e mafaia ona faaolaina ai o i tatou.” (Galu. 4:12) Ae peitai, o le tusi, Le Tagata Silisili o Ē Uma na Soifua Mai ua tutasi, ona o le uluai taimi lea ua matuā taulai faapitoa atu ai se tasi o a tatou tusi i le soifuaga o Iesu. Ia Tesema, o le a tatou faatomuaina ai lenei lomiga. E lē taumate o le a e iloa le aogā o le aʻoaʻoina ma faaaogā se taulimaga se tasi po o taulimaga uma ia o loo mulimuli mai.
2 Faailoaina o le Lotu Moni: Afai e te manao e amata ni talanoaga ma tagata e iai a latou lava lotu, ia faaaogā le matua “Faailoaina o le Lotu Moni.” E lava ma totoe le lautele o le mataupu lenei e faauaʻi mai ai manatu o tagata mapo lotu. O mau e faaaogā o le 1 Peteru 2:21 ma le Ioane 14:6.
3 Pe a uma ona faailoa atu oe, e mafai ona e faapea atu:
◼“O le ā o faatalitalia e le Atua mai ia i tatou o ni Kerisiano? Ua faasino i tatou e le Tusi Paia ina ia faataʻitaʻi i le faaaoaoga na faataatia e le tagata silisili i le lalolagi, o Iesu Keriso. [Faitau le 1 Peteru 2:21.] Na ia aʻoaʻo ona soo ina ia alolofa atu i o latou tuaoi, ia tausisi i amioga mamā, ma tatalo mo le oo mai o le Malo o le Atua. O lo tatou faaolataga e faalagolago i le iloaina ma usiusitai ia Iesu o lo tatou Faaola. [Faitau le Ioane 14:6.] O Iesu sa lē o se tagata faatauvaa. Ua faamatalaina e lenei tusi o ia e faapea o le tagata silisili o ē uma na soifua mai. Ua faamautinoa mai lena mea e le mataupu e 59, i le faailoaina mai o ia e faapea o ‘le Keriso, le Alo o le Atua soifua.’ Ona tatou te faalagolago ia te ia mo le faaolataga, pe e te lē lagona ea la e manaomia ona tatou aʻoaʻoina le tele o mea tatou te mafaia e uiga i lana galuega ma mea na ia aʻoaʻoina? Ua saunia lenei tusi e faapitoa lava mo lena fuafuaga, ma ou te fiafia e tuuina atu lenei kopi mo oe.”
4 O le a Aveesea Mea Leaga: Ina ia talafeagai ma tagata o loo popole e uiga i le solitulafono, faiga sauā, ma taua, atonu la e te manao e talanoa ma i latou e uiga i le matua “E Toeitiiti ona Aveesea lea o Amioga Leaga” e faaaogā ai le mataupu e 111 o le tusi, Le Tagata Silisili.
5 Le Faamoemoe i le Toetu: Talu ai, o tagata uma lava, e iai taimi e maliu ai se tasi e pele ia i latou, e mafai la ona avea ma faamafanafanaga le faamaʻite o ni talanoaga i le mataupu “Le Pulega a Keriso e Toefaafoisia ai le Ola i Ē Pele ua Maliliu i Tulaga Faaparataiso.” E mafai ona e faaaogā a lē o le Ioane 5:21 po o le Ioane 6:40 ma faaali i ai faamatalaga i le mataupu ma mau o le Tusi Paia o loo maua i le mataupu e 90 o le tusi, Le Tagata Silisili.
6 E mafai ona amata la lua talanoaga i le faatomuaga lona tolu i le itulau e 14 o le tusi “Reasoning” ma faapea atu:
◼“O le toatele o i tatou, e mafaufau pea mai lea taimi i lea taimi e uiga i ē pele ia i tatou ua maliliu. Ae pe e te lagona ea e mafai ona tatou toe vaai atu ia i latou? [Tuu se avanoa i lē ona le fale e faaali mai ai sona manatu.] O le toatele o tagata ua matou talanoa atu i ai e maofa i le iloa o le mea ua folafola mai e le Afioga a le Atua, ma e faapea o lenei faamoemoe o le a faia lava iinei i le lalolagi. Mātau le folafolaga a le Tusi Paia i le . . . ” Faaaogā a lē o le Ioane 5:21 po o le Ioane 6:40, ma faafesootai atu i le ata ma manatu i le mataupu e 90 o le tusi, Le Tagata Silisili.
7 Sauniuni ma faaaogā se taulimaga se tasi po o taulimaga uma i lenei masina. E lē tatau ona faigata ona suʻe i ni manatu talafeagai ma ata i so o se mataupu o le tusi, Le Tagata Silisili.