‘Ia Faateleina Pea le Poto Saʻo’

O le poto saʻo e uiga i le Atua e taʻitaʻia ai i le ola e faavavau. (Ioa. 17:3) E tatau ona tatou faia mea uma tatou te mafaia ia faateleina ai pea le poto saʻo e uiga ia Ieova. (Kolo. 1:9, 10) E amata atu ia Aperila 29, o le a tatou suesueina ai i Suesuega Tautusi a le Faapotopotoga le tusi o Le Poto e Taʻitaʻia ai i le Ola e Faavavau. O le a lē gata ina faateleina ai lo tatou lava malamalama i le Afioga a le Atua, ae o le a sili foi ona faaauupegaina lelei ai i tatou e aʻoaʻo atu i isi. O le a faamanuiaina ai oe ma lou aiga pe afai tou te muai sauniuni lelei, auai ma faia se sao i vaiaso taitasi, ma faaaogā na faamatalaga i le faiva.