O ā Au Fuafuaga mo Masina o i Luma?

O le ā o e fuafua e fai i masina o i luma? Atonu o loo e fuafua e te auai i se tauaofiaga itumalo, ma fuafua e faia se faiga malologa po o le asiasi atu i tauaiga ma uo. A o faia au fuafuaga, o ni nai mea nei e faamanatu atu atonu e fesoasoani ia te oe e faamuamuaina ai pea manaoga o le Malo:

◼ Ia fai ni fuafuaga maʻoti ina ia auai i le tauaofiaga itumalo. Ia fuafua mamao mo lou auala e femalagaai ai ma mea e āpi ai ina ia alofia ai so o se faafitauli.

◼ Afai e te alu mo se faiga malologa, ia fuafua e auai i sauniga a le faapotopotoga i lena vaipanoa ma faia se sao i le faiva. Ia mautinoa ua tuuina atu au lipoti o le auaunaga i le fanua; afai e mafai, ia lafo atu i le meli i le failautusi o la outou faapotopotoga.

◼ O se asiasiga i tauaiga o ē e lē upu moni e ono mafai ona e maua ai se avanoa e faia ai se talaʻiga lē fuafuaina uigā. Ia faamautinoa ua ave lau Tusi Paia ma ni lomiga.

◼ Po o e mafaufau e fesoasoani atu i se faapotopotoga o lata ane o loo manaomia se fesoasoani i le galueaiina o la latou oganuu? Talanoa i toeaina po o le ovasia matagaluega ina ia maua ai ni faamatalaga e uiga i manaoga o loo tulai mai i lou vaipanoa.

◼ O tuuaga o aʻoga e maua ai e tagata talavou ni avanoa e sili ona lelei mo le faalauteleina o la latou galuega i le auaunaga. Talavou e, pe mafai ona tusia o outou igoa e avea o ni paeonia lagolago?

◼ Atonu o le a e iloa e mafai ona e maua ni iuga e sili ona lelei i le auaunaga e ala i le molimau atili atu i afiafi, pe a iai le toatele o tagata i o latou aiga.

◼ E tatau i toeaina ona mataalia i le faamaopoopoina lelei o galuega a le faapotopotoga, i le fuafuaina mo se tasi e tausia tiute tauave ia o loo tofia atu ia i latou o le a toesea.

Ia manatua o ʻfuafuaga a lē filigā i galuega, e tele mea lelei e iu i ai.’ (Faata. 21:5) Ia fuafua ina ia tele ni mea e fai i masina ia o i luma mo avanoa faatiokarate.