Pusa Fesili

◼ O le ā se mea e mafai ona tatou faia ina ia faaleleia ai le uigā o a tatou sauniga?

Atonu ua mafuli manatu o nisi e faapea, o toeaina ma auauna o le faiva, ua fitoi tonu lava i ai le tiute tauave mo le taulau manuia o sauniga a le faapotopotoga, auā o i latou o loo taimua i sauniga ma taulimaina le tele o vaega. A o le mea moni, o i tatou uma lava e mafai ona saosaolaumea totino i le faia o sauniga o se mea e fiafia ai ma maua ai aogā. E mafai ona tatou fesoasoani ina ia faia sauniga o se mea e sili atu ona uigā i auala nei e sefulu:

Ia muai sauniuni. Pe afai e tatou te sauniuni lelei, o le a avea sauniga o se mea e tatou te fiafia ai. Pe a faia e i tatou uma lava lenei mea, o le a sili atu ona olaola sauniga ma sili atu ona atiina ae ai. Auai e lē aunoa. O le toatele o tagata e aufaatasi ai e sili atu ona faalaeiauina ai tagata uma o loo auai, e faamalosia ai le talisapaia o le tāua o le aufaatasi ai. Ia taunuu i le taimi tonu. Afai e nofoi a o lei amataina le polokalame, o le a mafai ai ona tatou aufaatasi i le pese ma le tatalo amata, ma i lea o le a maua ai aogā atoatoa mai le sauniga. Ia susū mai ua matuā faaauupegaina lelei. O le aumaia o a tatou Tusi Paia ma lomiga e faaaogā i le sauniga, e mafai ona tatou mulimuli ai ma puʻea lelei mea o talanoaina. Alofia mea e faalavelavea ai. E mafai ona sili atu ona lelei la tatou faalogo pe a tatou nonofo i le pito i luma. O taumusumusuga ma le ō soo i le faleese, e mafai ona faalavelavea ai lo tatou uaʻi atu faapea foi ma isi. Ia avea o sē auai ma faia se sao. Pe a toatele i tatou e tasii i luga lima ma faia se tali, e toatele foi e faalaeiauina ai ma atiina ae ai i upu o le faatuatua. Fai ni tali pupuu. O lenei mea, ua maua ai le tele o ni avanoa e mafai ai ona faia ni sao. E tatau ona tuusaʻo a tatou tali e faapuupuu i le mataupu lea o loo suesueina. Ia faataunuuina tofiga. I le avea o ni tagata aʻoga i le Aʻoga o le Faiva Faatiokarate pe faia foi se vaega i le Sauniga o le Auaunaga, ia sauniuni lelei, ia faataitai muamua, ma taumafai e ʻaua neʻi lē faataunuuina. Ia faamālō i ē na faia sao. Ia taʻu atu i isi le matuā talisapaia o a latou taumafaiga. E mafai e lenei mea ona atiina ae ai i latou ma uunaia ai e faia i se tulaga e sili atu ona lelei i le lumanai. Ia faalaeiau e le tasi le isi. O feofoofoaiga alofa ma talanoaga e atiina ae ai e faia a o lei amataina ma pe a uma foi sauniga, e faaopoopo atu i le fiafia ma aogā e tatou te maua mai le auai atu i sauniga.