Pe Mafai Ona Tatou Ofoina le Tusi o le Creator?

I le tausaga na teʻa nei na tatou olioli uma ai i le mauaina o le tusi Is There a Creator Who Cares About You? O se tusi na fuafuaina faapitoa mo i latou e ui sa lelei le aʻoaʻoina o i latou i aʻoaʻoga faalelalolagi, ae atonu e lē talitonu i le Atua. E lē o maua lenei tusi i le gagana Samoa, peitai o le toatele o tagata e lelei a latou aʻoaʻoga e mafai ona faitau i le gagana Peretania. O lea la, o lenei tusi ua faamalieina ai se manaoga o loo faateleina.

Mo ni mafuaaga aogā ua masani ona aumaia ai i le ofo o le masina lomiga o loo sili ona naunau i ai tagata. Pe o le uiga ea o lenei mea e tatau ai ona tatou alofia le ofoina o le tusi o le Creator? E matuā leai lava! I oganuu o loo alala ai tagata e mafai ona faitau i le gagana Peretania, atonu e mafai ona ofoina ai lenei tusi i so o se taimi a o faagasolo le tausaga i tagata taitoatasi o ē lē talitonu i le Atua ma i latou o ē ono aogā i ai. E mafai foi ona ofoina i tagata taitoatasi o ē talitonu i le Atua ae leai se malamalama moni po o ai o ia po o ā foi ona uiga ma ana fuafuaga. Afai o iai ni tagata faapena i lau oganuu, e faalaeiauina la oe e ave se kopi o le tusi i lau ato talaʻi, ma ia nofo sauni e ofo atu le tusi i so o se tasi e te manatu o le a fiafia e faitau i ai.