Fuafuaga Fou o Potu Tusi mo Maota o le Malo

Mo le tele o tausaga seʻia oo mai nei, ua maua ai e faapotopotoga i le lalolagi atoa aogā mai le faaaogāina o le potu tusi i o latou Maota o le Malo, lea sa taʻua o le potu tusi o le Aʻoga o le Faiva Faatiokarate. I aso ua mavae, sa talafeagai ai i faapotopotoga taʻitasi ona iai sa latou lava potu tusi. Ae peitaʻi, o le tele o Maota o le Malo o loo faaaogāina e le sili atu i le tasi le faapotopotoga, o nisi o faapotopotoga e tautatala i se isi gagana, e foliga mai la e sili atu ona iai se potu tusi se tasi ua iai uma tusi mo vaega o gagana taʻitasi i Maota o le Malo.

Ua faamoemoe o lenei fuafuaga o le a fesoasoani e faasaoina ai avanoa ma tupe faaalu. So o se kopi faaopoopo o tusi atonu e teu mo le faaaogāina mulimuli pe a māeʻa ona fausia Maota fou o le Malo. Pe afai o loo iai i lo outou Maota o le Malo se komepiuta, o le a maua e nisi le aogā o lea meafaigaluega i le faaaogāina o le Watchtower Library CD-ROM.

E tatau ona iai i nei potu tusi ia ni faaliliuga eseese o le Tusi Paia, o lomiga fou e lomia e le faalapotopotoga a Ieova, kopi o La Tatou Faiva o le Malo, o tuufaatasiga o lomiga o Le Olomatamata ma le Awake! po o faila foʻi o tusi taʻitasi mo le tausaga, ma ni lomiga o le Watchtower Publication Index. E lē gata i lenā e tatau foʻi ona iai ma se kopi o le lomifefiloi faaonapōnei. E aogā foi pe a iai ma ni kopi o encyclopedia, o faafanua, po o tusi mo faamatalaga o le gagana ma talafaasolopito. Ae peitaʻi, o la tatou sini e ao ona faamuamua, o le uaʻi totoa atu lea i lomiga ua saunia mai e le “auauna faamaoni ma le mafaufau.”—km 4/97 itu. 7; km-E 5/88 7-8

Mo potu tusi i Maota o le Malo taʻitasi, e lelei pe a filifilia se tasi o ovasia o le Aʻoga o le Faiva Faatiokarate, e vaaia le potu tusi. E tatau ona ia saunia lomiga talafeagai, ia manino lelei ona tusia le faailoga i totonu o tusi taʻitasi ia faaalia ai o le Maota o le Malo e ana nei tusi. Pe a ma le faatasi i le tausaga, e tatau ona siaki pe o atoa uma tusi ma faamautinoa o loo i se tulaga lelei lomiga uma. O lomiga uma mai nei potu tusi e lē tatau ona aveesea mai i le Maota o le Malo.

O le a faaauau ona matuā faatāuaina e i latou uma o loo i le faapotopotoga ia potu tusi i Maota o le Malo. O lea la, seʻi o tatou faaalia lo tatou faatāuaina o nei fuafuaga, e ala i le tausia lelei ma faaaogā e saʻili ai “le poto i le Atua.”—Faata. 2:5.