Se Vitiō o Loo Iai se Feʻau e Aogā Pea

O le ā le feʻau o loo i le vitiō David—He Trusted in God? O le feʻau, e ao ona tatou faalagolago iā Ieova e pei o Tavita. (Sala. 91:2) O le iloaina o mea mataʻina na tutupu i le soifuaga o Tavita, o le a fesoasoani i fanau ma tagata matutua e aʻoaʻoina ai se lesona i le faataʻitaʻiga na ia faataatia. (Sala. 31:14) Mo lo tatou lava lelei atili, o loo iai i lenei DVD ni “Fesili e Siaki ai Lou Iloa” ma nisi o “Auala e Aʻoaʻoina Ai.”

Maimoa i le Vitiō, ona fesili lea iā te oe lava: (1) Aiseā na filifilia ai e Ieova se tupu e sili atu? (1 Samu. 15:10, 11; 16:1) (2) Aiseā na ia lē filifilia ai se tasi o uso o Tavita? (1 Samu. 16:6, 7) (3) Aiseā na manaʻo ai Saulo e tā e Tavita le kitara? (1 Samu. 16:14-23) (4) O ai Koliata? (1 Samu. 17:4-10) (5) Aiseā na manaʻo ai Tavita e tau ma Koliata? (1 Samu. 17:23, 24, 36, 37) (6) O ai Ionatana? (1 Samu. 14:1) (7) O fea le taimi na avea ai Saulo ma fili sili ona leaga o Tavita? (1 Samu. 18:25-29) (8) Aiseā na lē fasiotia ai e Tavita ia Saulo? (1 Samu. 26:7-11) (9) Na faapefea ona maliu Saulo? (1 Samu. 31:1-6) (10) O le ā le aafiaga o Tavita i le maliu o Ionatana? (2 Samu. 1:11, 12) (11) O le ā le folafolaga na fai e Ieova iā Tavita? (2 Samu. 7:12, 13, 16) (12) O le ā le agasala matuiā na fai e Tavita? (2 Samu. 11:1-5, 14-17) (13) Na faapefea ona faaalia e Tavita lona matuā salamō i le mea na ia faia? (Sala. 51) (14) O ā lesona na aʻoaʻo atu e Tavita iā Solomona a o laʻitiiti? (1 Tu. 2:1-4; 1 No. 22:6-13; 28:9, 10) (15) O le a faapefea ona maua e Tavita, Ionatana, ma oe ia aogā mai le pulega a Iesu?—Isa. 11:6-9; Ioa. 11:25, 26.

I le taimi nei ia mafaufau: E faapefea ona e faataʻitaʻi i le faalagolago i le Atua, lea na faaalia e Tavita?

Mātua, ia tāmau i mafaufau o lau fanau le tāua tele o le faalagolago i le Atua, e pei ona sa faia e Tavita.—Sala. 56:11.