Le Tala e Fai Atu e Uiga i Mekasini

Le Olomatamata Me 15

“O le a faapefea ona e taliina lenei fesili? [Faitau le fesili o loo i le faavaa. Ona faatali lea mo se tali.] Ua aumaia e le Tusi Paia iā i tatou le pogai o le faamoemoe. [Faitau le Mataio 6:9, 10.] Ua faamatala i lenei mekasini le auala o le a faia ai e le Malo o le Atua lona finagalo i le lalolagi.”

Ala Mai! Ape.-Iuni

“Aiseā ua tatou mamaʻi ai ma feoti?” [Faatali mo se tali.] Na faia o tatou uluaʻi mātua e ola e faavavau i le lalolagi. Ae o lo la teena o le pule a le Atua, ua la agasala, mamaʻi ma feoti lea ua tatou aafia ai. Ua taʻua i le Tusi Paia o le a soloiesea e le Atua maʻi ma le oti. [Faitau le Faaaliga 21:2, 4.] Ua faamatala i lenei lomiga lea mataupu.” Itu. 10, 11.

Le Olomatamata Iuni 1

“E toetoe lava o aso uma e tatou te faalogo ai i tala fou i ē faia mea leaga. [Taʻua se mea o loo tupu e iloa e tagata o lea vaipanoa.] Pe na e tomānatu ea e iai sē e malosi e lē o vaaia o faapogaia nei taaʻiga i tagata? [Faatali mo se tali. Faitau le Faaaliga 12:12.] Ua faamatala i lenei lomiga le auala e puipuia ai i tatou lava.”

Ala Mai! Ape.-Iuni

“Faamata o se alofa moni le faia o feusuaʻiga a o leʻi faaipoipo?” [Faatali mo se tali. Faitau le 1 Korinito 6:18.] Ua taʻua i le Tusi Paia, e inosia e Ieova ē faitaaga auā ua latou solia ana taʻiala amiotonu. O le alofa faaleuō e moni, e lē amio matagā pe saʻilia e ia ana lava mea. Ua faamalamalama i lenei lomiga lea mataupu.” Itu. 29, 30.