Pusa Fesili

◼ O ā tusi e lua e tatau ona faia ai suʻesuʻega ma tagata e faaalia le fiafia?

O le tusi autū e amata ma faia ai suʻesuʻega faale-Tusi Paia, o le Aʻoaʻoga a le Tusi Paia. E lē afāina pe afai ua faaaogā se isi lomiga, o se savali e fetaui ma le tagata, e amata ai le suʻesuʻega, ae e ao lava ona sui i le Aʻoaʻoga a le Tusi Paia. O le faaaogā o le Aʻoaʻoga a le Tusi Paia e amata ai suʻesuʻega, ua maua ai le tele o aogā.

A māeʻa loa ona suʻesuʻeina le Aʻoaʻoga a le Tusi Paia, ma ua agaʻigaʻi i luma le tagata suʻesuʻe, ona sosoo lea ma le suʻesuʻeina o le tusi, Tapuaʻi i le Atua. (Kolo. 2:7) O loo taʻua i le itulau e 2 o lenā tusi le māfuaaga ua lomia ai. “Ua faalaeiauina e le Tusi Paia tagata uma e alolofa i le Atua, ina ia latou ‘iloa lelei . . . le loloto, ma le maualuga’ o ana upu moni tāua. (Efeso 3:18) O le māfuaaga lenā ua saunia ai lenei tusi. E iai lo matou faamoemoe o le a fesoasoani lenei tusi iā te oe ina ia e tuputupu aʻe ai faaleagaga ma ia atili ai ona mafai ona e savali i le ala vaapiapi, lea e tau atu i le ola i le lalolagi fou amiotonu a le Atua.”

Pe afai ua agavaa le tagata suʻesuʻe ma ua papatisoina ae e leʻi uma tusi e lua, ia faaauau pea le suʻesuʻega ma faauma le tusi lona lua. E mafai ona tau e le tagata o loo faia le suʻesuʻega, le taimi, ma le toe asiga, ma le suʻesuʻega, e ui o lea ua papatiso le tagata suʻesuʻe. Afai e toʻalua ma se isi tagata talaʻi i le faia o le suʻesuʻega ma na fai sana faaopoopoga, e mafai foʻi e lenā tagata ona tau le taimi.