La Tatou Tuatusi Aloaʻia​—Faaaogā i le Talaʻiga

Faalaeiau Tagata e Faaaogā le Tuatusi: O nisi e lē fiafia e talanoa mai pe e talia a tatou lomiga, ae e fiafia e suʻe e i latou lava ni faamatalaga e uiga i Molimau a Ieova i le jw.org. O lea, ia faailoa atu la tatou tuatusi i tagata i le tele e mafai ai.

Taliina o Fesili: O nisi taimi e fesili mai ai le tagata e ona le fale, o se tagata fiafia, ia po o se uō foʻi, po o ā o tatou talitonuga ma po o ai Molimau a Ieova. Ia faailoa vave atu le tali mai i le initaneti e ala i le faaaogāina o le telefoni po o le komepiuta. Ae o le auala sili, o le faitau saʻo atu o se mau mai i le Tusi Paia. Afai e leai sau initaneti, ia faailoa atu la i le tagata le auala e mafai ona ia maua ai tali o ana fesili, e ala i le faaaogā o le jw.org.—Kiliki le ulutala “Aʻoaʻoga a le Tusi Paia/Tali i Fesili Faale-Tusi Paia” po o le “Molimau a Ieova/Fesili e Masani Ona Lāgā e Faatatau i Molimau a Ieova.”

Lafo se Mataupu po o se Lomiga: Ia faaaogā le imeli e lafo atu ai se lomiga, pe e puʻe i se CD. E mafai ona tau i lau lipoti faaleauaunaga so o se lomiga atoa e te lafo atu i se tasi e leʻi papatiso. E lē tatau ona soona lafo atu se lomiga po o se aofaʻiga tele o lomiga i so o se tasi. E lē tatau foʻi ona puʻeina nei lomiga i isi tuatusi i le initaneti.—Kiliki le ulutala “Lomiga.”

Tala Fou e Uiga i Molimau a Ieova: O le a fesoasoani lenei vala i a tatou tagata aʻoga faapea ma isi, ina ia atiaʻe le lotofaafetai mo la tatou galuega i le lalolagi aoao, aemaise lo tatou autasi faa-Kerisiano. (Sala. 133:1)—Kiliki le ulutala “News.”

[Siata i le itulau 5]

(Tagaʻi i le lomiga mo le ata atoa)

Ia Faataʻitaʻi

1 Kiliki le ulutala “Lomiga,” ma maua ai so o se lomiga e te manaʻo e lomia.

2 Kiliki le “MP3” i le faa- Peretania, ma maua ai le lisi o mataupu taʻitasi. Kiliki i le ulutala o le mataupu ina ia mafai ona puʻe, po o le faailoga ina ia faalogologo i ai.

3 Filifili se isi gagana mai i lenei lisi, pe afai e te manaʻo e puʻe mai se lomiga mai i lenā gagana.