Pusa Fesili

◼ Pe e tatau i se tuafafine ona fai se ufiulu pe a ō faatasi ma se uso e fai se suʻesuʻega faale-Tusi Paia?

Pe a fai e se tuafafine se suʻesuʻega faale-Tusi Paia o loo faaauau pea ona fai ae o loo iai se uso ua uma ona papatiso, e tatau lava ona fai sona ufiulu. (1 Kori. 11:3-10) I Le Olomatamata o Iulai 15, 2002 i le itulau e 27, o loo faamatala mai ai: “O le toe faatulagaina lenei o se vaega o le aʻoaʻoga pe afai e iai le tagata lea na te faia le suʻesuʻega lea ua avea o se vaega o le faapotopotoga. Afai la e fai e se tamaʻitaʻi Molimau papatisoina le suʻesuʻega a o iai se tane Molimau papatisoina, e tatau i le tuafafine ona faia se ufiulu.” O le tulaga foʻi lea, pe a fai le suʻesuʻega i le fale po o se isi lava nofoaga.

Ae i le isi itu, afai e leʻi amataina le suʻesuʻega, e lē tatau la i se tuafafine ona fai se ufiulu, e tusa po o le fuafuaga o le asiasiga o le faataʻitaʻi o le auala e amata ai se suʻesuʻega, po o le talatalanoa i se tasi o lomiga e faia ai le suʻesuʻega. Peitaʻi, pe afai ua asia soo se asiga ma ua e vaaia lona naunau fiafia i le lua talanoaga, e tatau la i se tuafafine ona faaalia le mafaufau lelei ma iloilo pe e tatau ona fai se ufiulu.