Taulimaga Faataʻitaʻi

Ina ia Amata se Suʻesuʻega Faale-Tusi Paia i le Aso Toonaʻi Muamua o Iuni

“O loo matou asiasi puupuu mai e fetufaaʻi ma oe i se fesili faatupu manatu lenei.” [Faaali atu le fesili muamua o loo i le itulau pito i tua o Le Olomatamata Iuni 1.] “O le ā sou manatu i lenei fesili?” Faatali mo se tali. Talanoa faatasi i le fesili muamua ma faitau se mau se tasi pe lua. Ofo le mekasini, ma fai se fuafuaga e toe foʻi atu e talanoa le fesili e sosoo ai.

Le Olomatamata Iuni 1

“I tausaga taʻitasi, e tusa ma le 6,000,000 tagata e maliliu ona o le ulaula tapaa. O le ā sou manatu, pe e iai se auala e mafai ona faaitiitia ai lea fuainumera? [Faatali mo se tali.] E toʻatele i latou ua aʻoaʻoina le silafaga a le Atua e faatatau i le tapaa, ma ua fesoasoani lea iā i latou ina ia tuu motu ai le ulaula. O se faataʻitaʻiga, ua fesoasoani le mau lenei i nisi e toe mafaufau ai i aafiaga o isi tagata ona o a latou tapaa. [Faitau le 1 Korinito 10:24.] O loo faamatalaina i lenei mekasini pe faapefea i le amanaʻiaina o le silafaga a le Atua ona uunaʻia ai se tagata e tuu le ulaula.”

Ala Mai! Aperila–Iuni

“E toʻatele tagata i aso nei ua faapea mai o tupe o le pogai lea o mea leaga uma, ma ua māfua ai ona maileia isi i faaosoosoga. Pe e te ioe i lenā manatu? [Faatali mo se tali.] Seʻi mātau le manatu o le Tusi Paia e tusa ai o lea mataupu i le 1 Timoteo 6:10. [Faitau] O loo faamatala i le itulau e 12 ma le 13 o lenei lomiga nisi o aogā o tupe ma le auala e tatou te faaaogā tatau ai.”