Taulimaga Faataʻitaʻi

Ina ia Amata se Suʻesuʻega Faale-Tusi Paia i le Aso Toonaʻi Muamua o Iuni

“E toetoe o tagata uma e matou te talanoa i ai e mananaʻo i se lalolagi filemu. Peitaʻi, o loo iai pea faigātaua. O le ā sou manatu, aiseā ua faigatā ai ona maua se filemu i le lalolagi?” Faatali mo se tali. Faasino i ai le pito i tua o Le Olomatamata o Iuni 1, ma talanoa manatu o loo i lalo o le fesili muamua, ma se mau faasino o loo iai. Ofo mekasini, ma fai se fuafuaga e toe foʻi e talanoa le fesili o sosoo ai.

Mātau: E tatau ona faataʻitaʻi lenei taulimaga i le faatasiga mo le talaʻiga iā Iuni 1.

Le Olomatamata Iuni 1

“O loo matou faia se asiasiga puupuu i lou vaipanoa, e talanoa i se tasi o faafitauli ua taatele. E toʻatele ua mafatia ona o faiga faailogatagata. Ae pe e te manatu e iai se isi vaipanoa i le lalolagi e lē maua ai lea uiga? [Faatali mo se tali.] Mātau le silafaga a Ieova i tagata uma. [Faitau le Galuega 10:34.] O loo faamatalaina i lenei mekasini le auala o le a tafiesea ai e Ieova le faailogatagata.”

Ala Mai! Aperila-Iuni

“E lē taumatea e te ioe o se tasi o faafitauli ua faigatā ona foʻia i aso nei, o le tauaʻimisa lea i le va o ulugalii. Ae o le ā sou taofi, o ā ni auala e tatau ona faia e ulugalii ina ia foʻia ai lenei faafitauli? [Faatali mo se tali.] Seʻi mātau le fautuaga aogā lenei a le Tusi Paia. [Faitau le Faataoto 29:11.] O loo talanoaina i le itulau e 8 ma le 9 o lenei mekasini, ni taʻiala aogā mai le Tusi Paia e ao ona utagia e ulugalii, ina ia foʻia ai le tauaʻimisa.”