Faamalamalama Atu Ou Talitonuga e Faatatau i le Tausaga e 1914

O loo faalaeiauina i tatou e le Tusi Paia “ia nofosauni pea e tali atu” i o tatou talitonuga, “a ia faia faapea faatasi ma le agamalu ma le matuā faaaloalo lava.” (1 Pete. 3:15) O le mea moni, e ono faigatā ona tatou faamatala atu upu moni loloto o le Tusi Paia, e pei o le auala e iloa ai na amata pule le Malo i le 1914. Ina ia fesoasoani iā i tatou, e iai se faasologa o mataupu e lua ni ona vaega ua faamatuaina “Se Talanoaga Faale-Tusi Paia​—O Anafea na Amata Pule ai le Malo o le Atua?” O loo iai nei mataupu i Le Olomatamata mo le lautele i masina o Oketopa ma Novema. A o e faitau i na mataupu, ia uaʻi i fesili o loo mulimuli mai i le auala na tali atu ai Toma, o le tagata talaʻi.

Na faapefea ona ia . . .

• faaaogā le faamālō atu e faavae aʻe ai se talanoaga?​—Galu. 17:22.

• faaalia le lotomaulalo a o faamatala atu ona talitonuga?​—Galu. 14:15.

Aiseā na lelei ai lona . . .

• faia o nai autaluga lāiti a o leʻi see atu i se manatu fou?

• fai ma mālōlō ae fesili atu i le tagata o le fale po o malamalama i mea ua talanoaina?

• lē taumafai e talanoaina le tele o manatu i le taimi e tasi?​—Ioa. 16:12.

E tatou te lotofaafetai iā Ieova lo tatou “Aʻoaʻo Sili,” mo le aʻoaʻoina o i tatou i le auala e faamatala atu ai upu moni loloto o le Tusi Paia, iā i latou o loo galala faaleagaga!​—Isa. 30:20.