Faailoa Atu le Mana o le Afioga a le Atua i Lau Faiva

Pe a tuu mai e se tagata le avanoa e faasoa atu ai le tala lelei, e tatou te faaaogā lelei lenā avanoa ma faailoa atu le mana o le Afioga a le Atua, e ala i le faitau tuusaʻo atu o mau mai le Tusi Paia. Sa faamatilatila lenei manatu i le aso faapitoa o fonotaga i le tausaga ua mavae. Na tauaaoina e le ovasia matagaluega se lauga e faamatuaina “Faailoa Atu le Mana o le Afioga a le Atua i Lau Faiva.” Po o e manatua manatu autū o lenā lauga?

• Aiseā e matuā silisili atu ai ona malosi fetalaiga a Ieova nai lo o i tatou?​—2 Timo. 3:16, 17.

• E faapefea i le Tusi Paia ona faaosofia ai faalogona, faaleleia ai mafaufauga ma uunaʻiga, ma uunaʻia ai amioga?​—Tagaʻi i Le Olomatamata o Iuni 15, 2012, itu. 27, pala. 7.

• Pe a tatou faitau atu se mau i se tagata i le talaʻiga, e faapefea ona tatou faauaʻi atu o ia i le Afioga a le Atua i se auala e na te faaaloalogia ai?​—Tagaʻi i le tusi Aʻoga o le Faiva, itu. 148, pala. 3-4 ma La Tatou Faiva o le Malo o Mati 2013, itu. 6, pala. 8.

• Aiseā e tāua ai ona faamatala ma fetufaaʻi i mau e tatou te faitauina, ma e faapefea ona tatou faia faapea?​—Galu. 17:2, 3; tagaʻi i le tusi Aʻoga o le Faiva, itu. 154, pala. 4 e oo i le itu. 156, pala. 5.