Faaleleia o o Tatou Tomai i le Faiva—Amata se Suʻesuʻega Faale-Tusi Paia i le Faitotoʻa e Faaaogā ai le Polosiua Tala Lelei Mai i le Atua!
Māfuaaga e Tāua Ai: Ina ia faia isi ma soo, e tatau ona avea i tatou ma faiaʻoga o le Afioga a le Atua. (Mata. 28:19, 20) E mafai e i tatou uma lava ona aʻoaʻo atu ma le uigā le upu moni, e faaaogā ai meafaigaluega ua tuuina mai iā i tatou. Ua saunia faapitoa le polosiua Tala Lelei Mai i le Atua! ina ia fesoasoani iā i tatou e aʻoaʻo atu ai le upu moni i isi. O lea, e mafai ona tatou faaaogā lenei polosiua e amata ai se suʻesuʻega faale-Tusi Paia i le faitotoʻa i lau uluaʻi asiasiga.
Faataʻitaʻi a o Faagasolo le Masina:
Ia tatalo e foaʻi mai iā te oe le naunau e fai se suʻesuʻega. Ia ōle atu mo le fesoasoani a Ieova ina ia amata sau suʻesuʻega faale-Tusi Paia, ma ia avea oe ma faiaʻoga lelei o le upu moni.—Fili. 2:13.
Faaalu se taimi o la outou tapuaʻiga a le aiga po o au oe lava suʻesuʻega, e aʻo ai le taulimaga. O le faia faapea e mafai ai ona e talanoa atu ma le mautinoa, ma amata se suʻesuʻega faale-Tusi Paia i le faitotoʻa.