Le Auala e Faaaogā ai Taulimaga Faataʻitaʻi

Ua iai i le pito i luma o La Tatou Faiva ma le Olaga Faa-Kerisiano​—Polokalame mo le Sauniga taulimaga faataʻitaʻi. O le ā le auala e faaaogā ai?

Pe a E Maua se Tofiga: E tatau ona e faaaogā le fesili, le mau, ma le fesili mo le isi talanoaga o loo i le taulimaga faataʻitaʻi. Peitaʻi, e lē o uiga atu e tatau ona e faataʻitaʻi upu uma o loo i le vitiō mo taulimaga faataʻitaʻi. E te ono faaaogā se isi faatulagaga, se faatomuaga, ma se isi auala e fefulifulisaʻi ai. E mafai foʻi ona e ofo se lomiga mai i a tatou Meafaigaluega mo le Aʻoaʻo Atu, e tusa lava pe e lē o taʻua i le faatonuga mo lau lauga.

Pe a Auai i le Faiva: Ua fuafuaina taulimaga faataʻitaʻi e saunia mai ai manatu aogā. Pe a faaalia e se tagata le naunau ma manaʻo e fia iloa atili, e mafai ona faaauau le talanoaga, atonu e faaaogā ai le fesili mo le toe asiga i le taulimaga faataʻitaʻi. E te ono fetuunaʻi foʻi le taulimaga faataʻitaʻi pe faaaogā se isi taulimaga. Pe e fetaui i le oganuu se taulimaga mai i se masina ua teʻa po o se isi mau? Pe e fiafia tagata o lau oganuu e talanoa i se mea o loo tupu po o se mea na sau i le tala fou? Po o le ā lava le auala e te filifili e faaaogā ai taulimaga faataʻitaʻi, o lou sini e tatau ona ʻfaia mea uma ona o le tala lelei, ina ia talaʻi atu i isi.’​—1Ko 9:22, 23.