Auala e Faaaogā ai Taulimaga Faataʻitaʻi

E galulue mamafa uso i le saunia o taulimaga faataʻitaʻi, ma ua iloa e le toʻatele o le ʻautalaʻi le aogā i a latou oganuu. Ae talu ai e eseese uma tulaga o oganuu i le lalolagi aoao, e mafai ai lava e le ʻautalaʻi ona faaaogā se isi mataupu i le talaʻiga, e fiafia i ai tagata i la latou oganuu. Peitaʻi, e tatau ona tatou mulimuli uma i ni faatonuga mo se tauiviga faapitoa. O lo tatou sini o le faataunuu o le faatonuga a Iesu, ina ia talaʻi atu le tala lelei o le Malo.—Mat 24:14.

Pe a maua se tofiga, e tatau i tagata talaʻi ona talanoa i le mataupu o le taulimaga faataʻitaʻi, o loo i le Polokalame mo le Sauniga o le Faiva ma le Olaga Faa-Kerisiano. Peitaʻi, e mafai lava ona latou faaaogā se isi fesili, se mau, fesili mo le isi talanoaga, po o se isi faatulagaga e fetaui ma la latou oganuu, seʻi vaganā ua avatu se isi faatonuga. O se fetuunaʻiga lenei mo le taʻiala o loo i le itulau e 8 o le polokalame mo le sauniga o Iuni 2020.