Sina Fesoasoani mo Saʻiliʻiliga

Pe e te fiafia e faitau i talaaga o soifuaga o o tatou uso ma tuafāfine?

Ua faapea mai se ulugalii e la te faitauina i taeao taʻitasi se talaaga o soifuaga: “Maʻeu lo ma olioli ma le faalaeiauina i nei tala! Ua faamanatu mai ai e mafai foʻi ona ma faamaoni i so o se tulaga faigatā.” E faapena foʻi lagona o se tasi tuafafine, lea na faapea mai: “O nei talaaga o soifuaga e faamāfanafanaina, uunaʻia, ma faalaeiauina ai i tatou. E iai fuafuaga aogā o olaga o o tatou uso ma tuafāfine. O talaaga o o latou soifuaga ua uunaʻia ai aʻu e faateleina soʻu sao i le faiva, ma faalaeiauina ai laʻu fanau e aapa atu i le auaunaga faataimi atoa iā Ieova.”

O talaaga o soifuaga e uunaʻia ai oe e tuliloa sini aogā, manumalo mai ai i vaivaiga, onosaia ai ma le olioli tofotofoga ogaoga, ma faamamaluina ai i tatou. E faapefea ona e suʻeina nei tala?

• Suʻe le faasologa o mataupu “Talaaga o Soifuaga a Molimau a Ieova” i le jw.org po o le JW Library.

• Suʻe le faasologa o mataupu “Talaaga o Soifuaga a Molimau a Ieova” i le Lomiga Faale-Tusi Paia I LE INITANETI.