Onosaia Faiga Lē Tonu

Faitau i le Kenese 37:​23-28; 39:17–23 ina ia iloa ai le auala na onosaia ai e Iosefa faiga lē tonu.

Ia tilofaʻia manatu o loo siʻomia ai le mau. Aiseā na aafia ai Iosefa i faiga lē tonu? (Kene. 37:​3-11; 39:​1, 6-10) O le ā le umi na onosaia ai e Iosefa faiga lē tonu? (Kene. 37:2; 41:46) I lenā taimi, o le ā na faia e Ieova e fesoasoani ai iā Iosefa, ae o le ā e na te leʻi faia?—Kene. 39:​2, 21; w23.01 17 ¶13.

Ia saʻiliʻili atili. E lē o taʻua i le Tusi Paia na tali atu Iosefa i le tuuaʻiga sesē na faia e le avā a Potifara. E faapefea ona fesoasoani mau o loo mulimuli mai, e tatou te iloa ai le māfuaaga atonu e leʻi tali atu ai Iosefa i lenā tuuaʻiga sesē? Aiseā e tatou te lē faatalitalia ai e maua faamatalaga auʻiliʻili uma i faiga lē tonu na fesagaʻia e Iosefa? (Faata. 20:2; Ioa. 21:25; Galu. 21:37) O ā uiga na fesoasoani iā Iosefa e onosaia ai faiga lē tonu?—Mika 7:7; Luka 14:11; Iako. 1:​2, 3.

Ia vaai po o ā ni lesona e te aʻoaʻoina mai ai. Ia fesili ifo:

• ʻI le avea ai ma soo o Iesu, o ā ni faiga lē tonu e ono oo iā te aʻu?’ (Luka 21:​12, 16, 17; Epe. 10:​33, 34)

• ʻE faapefea ona ou sauniuni ina ia feagai ma faiga lē tonu?’ (Sala. 62:​7, 8; 105:​17-19; w19.07 2-7)