Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • ijwyp mataupu 32
  • Pe e Tāua Moni Amioga?

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Pe e Tāua Moni Amioga?
  • Ua Fesili Mai Talavou
  • Tamaʻi Ulutala
  • Mataupu e Taitutusa
  • O mea e tatau ona e iloa e faatatau i amioga
  • Le auala e faaleleia ai
  • Amioga Faaaloalo—O se Uiga e Iloga ai Tagata Amio Atua
    La Tatou Faiva o le Malo—2001
  • Ia Faaalia le Faaaloalo o ni Auauna a le Atua
    Le Olomatamata Faasilasilaina le Malo o Ieova—2009
  • Faaalia le Faaaloalo i Taimi e Fai ai Feʻau Tusitusia
    Ala Mai!—2014
  • Mātua—Ia Faataatia se Faaa‘oa‘oga Lelei mo a Outou Fanau
    La Tatou Faiva o le Malo—1999
Faitau Atili
Ua Fesili Mai Talavou
ijwyp mataupu 32
O loo fesoasoani se tama talavou i se tinā matua e ave lana faatau

UA FESILI MAI TALAVOU

Pe e Tāua Moni Amioga?

ʻE lē tatalaina mai e tagata le faitotoʻa mo aʻu; aiseā la o le a ou faia ai faapea iā i latou?’

ʻPe e lē iai nisi mea e sili atu ona tāua nai lo le fai atu “faamolemole,” “faafetai,” ma le “tulou lava”?’

ʻE lē manaʻomia ona ou faaalia ni amioga lelei i oʻu tei, auā o oʻu aiga.’

Pe ono mafai ona e faia nisi o na faaupuga? Afai o lenā, e te ono misia la aogā e maua i le faaalia atu o amioga lelei!

  • O mea e tatau ona e iloa e faatatau i amioga

  • Le auala e faaleleia ai

  • Tala a isi talavou

O mea e tatau ona e iloa e faatatau i amioga

O amioga lelei e mafai ona faaleleia ai vala nei e tolu i lou olaga:

  1. Lou talaaga. O le auala e tou te feutagaʻi ai ma tagata, e mafai ona avatu ai se molimau lelei pe leaga foʻi. Pe a e faaalia amioga lelei, e ono vaai tagata iā te oe o se tagata matua ma maufaatuatuaina​—ma o le a latou feutagaʻi foʻi ma oe i se auala faapena! Peitaʻi, pe a e lē faaaloalo, o le a manatu tagata iā te oe e te manatu faapito, ma e ono faapogaia ai lou lē mauaina o se avanoa faigaluega po o nisi avanoa i le olaga. E pei ona taʻua i le Tusi Paia, “o le tagata sauā ua ia aumaia faafitauli i lona lava tino.”​—Faataoto 11:17.

  2. O au uō. Ua taʻua i le Tusi Paia: “Ia oofu outou i le alofa, auā o le fusi lea e atoatoa ona autasi ai.” (Kolose 3:14) E matuā moni lenā manatu pe a oo i faauōga. E tosina tagata iā i latou e faaalia amioga lelei ma feutagaʻi ma i latou i se auala lelei. Auā o ai e manaʻo e faauō ma se tagata e lē faaaloalo pe faia amioga lē lelei?

  3. Le auala e feutagaʻi mai ai tagata iā te oe. Ua faapea mai se teine talavou e igoa iā Jennifer, “Pe a o oe o se tagata e faaaloalo i taimi uma, a o faagasolo taimi, o le a e mātauina le faaleleia o le auala e feutagaʻi mai ai tagata, e oo lava iā i latou e masani ona lē faaaloalo mai iā te oe.” O le mea moni, a e lē faaaloalo, e ese la le auala o le a tali mai ai tagata. Ua taʻua i le Tusi Paia: “O fua tou te fuaina atu, e fuaina mai ai iā te outou.”​—Mataio 7:2.

Manatu autū: O le feutagaʻi ma tagata o se vaega o o tatou olaga i aso taʻitasi. O le auala e te taulima ai lenā vala e faalagolago i ai le auala e vaai ma feutagaʻi mai ai tagata iā te oe. Pe a faafaigofie le manatu, e tāua moni au amioga!

Le auala e faaleleia ai

  1. Fai se ʻiloiloga o au amioga.’ Fesili ifo iā te oe i fesili nei: ʻPe ou te talanoa ma tagata matutua i se auala faaaloalo? O le ā le tele ou te fai atu ai “faamolemole,” “faafetai,” po o le “tulou lava”? Pe o faalavelavea aʻu a o oʻu talanoa atu i isi​—atonu o loo faitau pe tali atu i se feʻau tusitusia? Pe ou te feutagaʻi ma oʻu mātua ma oʻu tei i se auala faaaloalo, pe ou te pule lava aʻu i aʻu mea e fai ona o i latou o “loʻu aiga”?’

    Ua faapea mai le Tusi Paia: “Ia tausolomua ona faaaloalo le tasi i le isi.”​—Roma 12:10.

  2. Faataatitia ni sini. Tusi i lalo ni vala se tolu e manaʻomia ona faaleleia. Mo se faataʻitaʻiga, na manaʻo Allison e 15 ona tausaga, ia avea ma sē e “faalogologo lelei, nai lo o sē e tautala soo.” Ua faapea mai David, e 19 tausaga, e manaʻomia ona galue ia aua neʻi toe faia ni feʻau tusitusia a o faatasitasi ma aiga po o uō. Na ia fai mai, “E lē o se faaaloalo, e pei o loo oʻu fai atu e sili atu loʻu talanoa i isi nai lo le talanoa iā i latou.” Ua faapea mai Edward, e 17 tausaga, e manaʻomia ona aua neʻi ona toe faasalavei atu i isi a o tautatala. Ua filifili Jennifer lea na taʻua i le amataga, ia faaleleia ana amioga i le auala e feutagaʻi ai ma tagata matutua. Ua ia faapea mai, “Sa ou masani e na o le fai atu lava o se ʻfaatalofa’ puupuu ma suʻe loa se māfuaaga ou te alu ai i aʻu uō talavou. Ae o lea ua ou matuā taumafai ina ia iloa i latou. Ua fesoasoani tele iā te aʻu e faaleleia ai aʻu amioga!”

    Ua faapea mai le Tusi Paia: “Ia vaavaai ma le naunau e lē gata i au lava mea, ae i mea foʻi e lelei ai isi.”​—Filipi 2:4.

  3. Mātau le auala o loo e agaʻigaʻi ai i luma. Mo se masina, iloilo le auala e te tautala ai po o au amioga i vala ia e te manaʻo e faaleleia.I le faaiʻuga o le masina, fesili ifo iā te oe i fesili nei: Ua faapefea i aʻu amioga lelei ona avea ai aʻu o se tagata lelei? O ā ni vala e manaʻomia pea ona ou faaleleia? Faataatitia nisi sini fou.

    Ua faapea mai le Tusi Paia: “E pei ona outou mananaʻo e faia mai e tagata iā te outou, ia faapea lava ona outou faia iā i latou.”​—Luka 6:31.

E te silafia? O ni amioga e lelei i se isi atunuu, e manatu i ai o ni amioga leaga i le isi atunuu. Mo se faataʻitaʻiga, o le tū masani a tagata Iapani o le tatala lea o seevae a o leʻi ulufale i totonu o se fale. I nisi atunuu, o lenā faiga e ono manatu i ai o se lē faaaloalo. O ā ni amioga e te faatalitalia i le vaipanoa o loo e nofo ai?

TALA A ISI TALAVOU

Selena

Selena

“Pe a e faaalia amioga lelei, o le mea muamua lava lenā e mātauina e tagata​—ma latou talisapaia. O le a lelei ou faalogona i lou iloaina, o loo e faia le mea saʻo.”

Megan

Megan

“Afai e lē lelei au amioga, o le a lē amanaʻia la oe e tagata. Ae afai e te faaalia le magafagafa, o le a feutagaʻi mai foʻi ma le faaaloalo tagata iā te oe e pei ona e faaalia atu iā i latou.”

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga