Musungo wa Babele

Kunyima kua Mpeshi, bana ba Nowa na bakashi baabo abatandile bana bebungi. Bifuko biabo nkutama, abo nkubanga kupalakana mu ma mbalo elekeene a nsenga, nka bu bibaadi Yehowa muibalungule bua kukita.

Anka bingi bifuko tabibaadi bikokiele Yehowa nya. Abo nkuamba shi: ‘Tuibakie kibundi ki na musungo wi na nsongo ifikie muiyilu. Na tuende nkumo bua’shi tatupalakananga pa nsenga ishima.’

Yehowa tabaadi musangeele na binangu bia baaba bantu nya, nyi buakinyi baadi muibemikie. Weuku bibaadi muibakite? Baadi mufutakashe ndimi yaabo musango umune. Kubanga nka paapa, tababaadi dingi na mushindo wa kuipusheena nya, abo nkuimika luibako luabo. Lupata luabo lubaababangile kuibaka abaadi abeluitamina bu Babele, abipatuula shi: “Kafutakanyi.” Bantu nkubanga kupalakana na kuenda mu kushaala mu nsenga yooso. Kadi ababangile kukita mianda ibubi mu aa ma mbalo apia abaabadi bashaale. Kubaadi muntu a kuabadi bashadile mufule Yehowa su? Atukebimono mu shapitre alondo.