DILONGIESHA 28
Lesha lutumbu bua bikukitshine Yehowa na Yesu
Opushaa naminyi pabakupa kia buntu ki buwa kui kuku obe? Kushi mpaka abikusankisha bikata na okumina kulesha yawa kuku obe’shi we na lutumbu lukata bua kia buntu kibakupa. Yehowa na Yesu mbetupe kia buntu kiatushapetele dingi kasha. Nkia buntu kinyi, na tuikulesha naminyi’shi tui na lutumbu buakio?
1. Mushindo kinyi umune watudia kulesha’shi tui na lutumbu bua bitukitshine Yehowa na Yesu?
Bible etula’shi: ‘Muntu oso e na lukumino muadi [Yesu]’ apete muwa wa loso. (Yowano 3:16) Tuibalombene kuibikita naminyi? Bino tabilesha penda kukumina mui Yesu nya. Abitungu tuleshe dingi lukumino ku bitshibilo biatuata na ku mianda yatukitshi. (Shake 2:17) Patulesha lukumino mu bintu biatukitshi na mianda yatuakula, atunyingisha kipuano kietu na Yesu mpa na nshaye Yehowa.—Badika Yowano 14:21.
2. Muanda kinyi wa pabuao awitukuasha bua kulesha lutumbu kui Yehowa na Yesu?
Kiolua muladilo wa lufu luaye, Yesu badi mulungule balongi baye ungi mushindo wa kulesha lutumbu bua mulambu waye. Bebalunguile buabadia kuibunga pamune bua kukita muanda wi na muulo ukata wabetanyina mu Bible bu “Kidibwa kia Muanana,” kiabetanyinaa dingi bu Kitentekiesho kia lufu lua Kidishitu. (1 Bena-Kodinda 11:20) Yesu bakitshine kino Kitentekiesho buashi, batumibua baye na bena Kidishitu boso ba binyibinyi bekale na kia kutentekiesha’shi batushile muwa waye buetu. Yesu batushishe muiya pabitale kino Kitentekiesho’shi: “Ikalai anukitshi bino muanda wa kuntentekyeshanga.” (Luka 22:19, EEM) Potuele mu Kitentekiesho kia lufu lua Yesu, olesha lutumbu bua kifulo kikata kituleshe Yehowa na Yesu.
TUKIMBUULE BOSO
Tutaluule ingi mishindo yatudi balombene kulesha lutumbu bua kifulo kikata kituleshe Yehowa na Yesu. Tutale buakinyi Kitentekiesho kia lufu lua Yesu ki na muulo.
3. Tui kukita kinyi bua kulesha’shi tui na lutumbu?
Ela binangu’shi muntu kampanda bapasha muwa obe. We kuluba nka musango umune wawa muanda wadi mukukitshine su? Su okimbi mishindo yodia kumulesha’shi wena lutumbu lukata bua biadi mukukitshine?
Tui balambule Yehowa miuwa yetu. Badika 1 Yowano 4:8-10, akupu nuisambile ino nkonko ailondo:
Buakinyi mulambu wa Yesu nkia buntu ki pabuakio?
Opusha naminyi bua bikukitshine Yehowa na Yesu?
Tui kulesha lutumbu naminyi bua biabadi betukitshine kui Yehowa na Yesu? Badika 2 Bena-Kodinda 5:15 na 1 Yowano 4:11; 5:3. Kunyima kua kubadika kifundue kioso, nuisambile luno lukonko alulondo:
Muyile kino kifundue, mbikunyi biatudi balombene kulesha lutumbu luetu?
4. Ambula kileshesho kia Yesu
Ungi mushindo watudia kulesha lutumbu luetu nkuambula kileshesho kia Yesu. Badika 1 Mpyeele 2:21, akupu nuisambile luno lukonko alulondo:
Mu mishindo kinyi yatudi balombene kulonda matabula a Yesu?
Yesu badi mufule Eyi di’Efile Mukulu, badi alungula mukandu wi buwa na kukuasha bangi bantu
5. Ikala otuele mu Kitentekiesho kia lufu lua Kidishitu
Bua kuuka bibadi bikitshikie mu Kidibua kia kumpala kia Mwanana, badika Luka 22:14, 19, 20. Akupu nuisambile ino nkoko ailondo:
Nkinyi kibakitshikile mu Kidibua kia Mwanana?
Mukate na nfinyo abilesha kinyi?—Tala verse 19 na 20.
Yesu badi mutekie balongi baye bua kukita Kidibua kia Mwanana musango umune ku kipua, bua kutentekiesha lufu luaye. Nyi buakinyi ba Temwe ba Yehowa abebunga kipua kioso bua kutentekiesha lufu lua Kidishitu, muyile bibadi muakule. Bua kuuka mianda i bungi pabitale muulo wa kino kisangilo, tala VIDEO. Akupu nuisambile luno lukonko alulondo.
Nkinyi akikitshikaa ku Kitentekiesho kia lufu lua Yesu?
Mukate na nfinyo bi na kia bilesha. Mukate aulesha mbidi ya Yesu ya bu muntu mupuidikie, ibatushishe buetu. Nfinyo namu ailesha mase aye
BANGI ABAMBA’SHI: “Kioso kiodia kukita bua kupashibua, mpenda kukumina mui Yesu.”
We kufubisha Yowano 3:16 na Shake 2:17 bua kulesha’shi abitungu kukita ingi mianda kukasha penda kukumina mui Yesu naminyi?
MU KIKOSO
Atulesha lutumbu bua bitukitshine Yesu, patue kuikala na lukumino muadi na kuikala atutuele mu Kitentekiesho kia lufu luaye.
Kuambuula
Kuikala na lukumino mui Yesu akulesha kinyi?
Mbikunyi biodi mulombene kulesha lutumbu bua bikukitshine Yehowa na Yesu?
Buakinyi bi na muulo kutuela mu Kitentekiesho kia lufu lua Yesu?
TALUULA DINGI
Lufu lua Yesu aluitutakula bua kukita kinyi?
Longa bi bungi pabitale lukumino na biatudi balombene kuilulesha.
“Tuula lukumiino loobe mu milayilo ya Yehowa” (Kitenta kia Mulami, 10/2016)
Mu muisambo awamba’shi: “Binobino tandi na nshalelo ebuwa na a muloo,” tala bibadi bilumbulukie nshalelo a ungi muana mukashi, pabalongiele akipatuula mulambu wa Kidishitu buaye.
“Bible kwete kushintula bantu” (Kitenta kia Mulami, 1/8/2011)
Tala buakinyi nka penda bantu bapela nyi abadiya mukate na kutoma nfinyo ku Kitentekiesho.