Muntu mupya batwele mu Kasaka ka Bakunkushi-Bakulu

Mu dya Kasatu kunamashika, mwifuku dya 5/9/2012 abekalanga beukishe beena Betele ba mu États-Unis na ba mu Cananda shi kubatwele muntu mupya mu Kasaka ka Bakunkushi-Bakulu ka Batemwe ba Yehowa. Mark Sanderson mmubangye kufuba mwanka kubanga mu 1/9/2012.

Mukwetu Sanderson mbamukushe mu San Diego mu Californie mu États-Unis kwi baledi baaye beena Kidishitu na baadi mubatshishibwe mu 9/2/1975. Babangile kufuba bu mbala-mashinda mu Saskatchewan ku Canada mu 1/9/1983. Mu mweshi w’Ekumi na wa Kabidi mu kipwa kya 1990, bapudiishe kalasa ka École de formation ministérielle (kabetamina lelo uno bu Kalasa ka Bible bwa balume bashi bayibakile) mu États-Unis. Abaadi batume mukwetu Sanderson bwashi akafube bu mbala-mashinda a myeshi yooso mu kiila kya Newfoundland mu Canada mu mweshi wa Kananka 1991. Kunyima kwa kufuba bu mukunkushi a kifunda mukwashi, abamwitamiine bwashi ende mu kufuba ku Betele a mu Canada mu mweshi wa Kabidi 1997. Mu mweshi w’Ekumi na umune 2000, abamutumine dingi bwashi akafube ku filiale a mu États-Unis, kwakwa baadi afubu mu Departema a myanda ya mpitaalo akupu aye nkubanga kufuba mu Departema a mudimo wa bulungudi.

Mu mweshi wa Kitema 2008, mukwetu Sanderson baadi mutwele mu kalasa ka beena Komite a filiale, kunyima abo nkumutuma bwa nkafuba mu Komite a filiale a mu Philippines. Mu mweshi wa Kitema 2010, abamwitamiine bwashi alukiile mu États-Unis, kwakwa baadi afubu bu mukwashi mu Komite a mudimo a Kasaka ka Bakunkushi-Bakulu.