Myanda i mwanka

Lelo uno bantu bebungi mbepane mu kukimba byabadya kuukibwa mu uno ndumbulwilo e bubi. Uno mwisambo aukalesha bwakinyi abitungu twipane mu kukimba kuukibwa kwi na muulo ukata—kukibwa na kinemo kyabatushaa kwi Yehowa bwa kupa bafubi baye basha lulamato. Atukesambila dingi mushindo aupanaa Yehowa kinemo ingi nsaa mu mushindo watushi’atutengyelanga.

Mu uno mwisambo, atukataluula bwakinyi Moyiise muntu sha lulamato badi mushimishe mwabi waye wa kutwela mu Nsenga ya mulayilo. Auketukwasha dingi bwa kumona mushindo watudi balombene kupela kupona mu uno muteo ubakwatshile Moyiise.

Yehowa e na matalwa a kwamba’shi bantu boso mbaye. Ngi bwakinyi etutekye bwatudya kwikala bamulamate nka penda aye. Anka, bangi bantu bakwete kulonda eshinda dya bu ntomboshi aku namu bakwete kwamba’shi be na lulamato kwi Efile Mukulu. Mu mwisambo wa kumpala, atukapete malongyesha e na muulo ku bileshesho bya bantu ba mu Bible bu Kaayine, Salomone, Moyiise, na Aarone. Mu mwisambo wa kabidi, atukamono mishindo ilekene yatudi balombene kulesha lutumbu bwa mwabi watudi nao wa kwikala bantu ba Yehowa.