Nkonko Ya Bantu Ababadikaa

Su mulume na mukashi bashii beyibakishene bakisha bufuku pamune mu nshalelo ishii buwa, bino bi kwikala bu mulwisho wabadi balombene kwibasambisha su?

Oolo, su ta mbikitshikye mu mushindo aulesha’shi ta mbakite mulwisho, bakulu mbalombene kukita komite a kusambisha na kwibasambisha bwa mulwisho wa lusandji.—1 Beena-Kodinda 6:18.

Kasaka ka bakulu akataluula mwanda kalolo bwabadya kuuka su abitungu kukita komite a kusambisha. Bu kileshesho: Uno mulume na mukashi abekalanga abeyileena su? Abekalanga bapwe kwibalanga pabitale kipwano kyabo su? Mmwanda kinyi awikalanga wibatakule bwabadya kukisha bufuku pamune? Abekalanga bapwe kwata mpango kumpala bwabadya kukisha bufuku pamune su? Abekalanga na kingi kya kukita, su akwikalanga ungi mwanda wi bukopo, bu mwanda wa kimpulunkamba sunga ungi mwanda ukata wibatakule mu kukisha bufuku pamune su? (Mulungudi 9:11) Abekalanga balale naminyi? Bu bikale’shi mwanda oso ngwilekene na ungi, nkulombene kwikala ingi myanda ikata yabadi balombene kutala kwi bakulu.

Kunyima kwa’bo kutaluula mwanda oso kalolo, kasaka ka bakulu nkalombene kushinguula su uno mwanda ngulombene kwibatakula mu kusambisha uno mulume na mukashi.