“Ntshi mulombeene kumupeta dingi ku nshibo!”

Tabwakwile bino bishima pa bitale muntu baadi muleeshe lukalo su? Sunga tabotompele misango ibungi bwa kwalukiila mu kutala muntu, okii nka na mushindo wa kumyamina meema ku mbyo ya bya binyibinyi yoodi mukune. (1 Kod. 3:6) Ingi misusa, balungudi babapu kukita mafuku ebungi abafundilaa yawa muntu abashii basangane ku nshibo mukanda, sunga kuleka kamukanda kafunde tumayi tupeela muushi mwa kiibi kya yawa muntu. Bangi balungudi abadimukilaa lwalwa lukalakasho lwa kukutwa kusangana muntu dingi pa kumuteka nimero ya telefone, pa kumwipusha shi, “we na telefone?” Twi balombeene kubadika kwalukiila mu kutala muntu nsaa yatwalukiila kwadi sunga ku bukwashi bwa mukanda, mesaje a ku Internet, mesaje a mu telefone, ka mukanda ka tumulekyela ku kibelo kyaaye, sunga kwisamba naaye ku telefone. Sunga tokambaa kumupeta ku nshibo, mbibofule bwashi tutamishe lukalo lwaye.