Fuba na site eetu a Internet mu bulungudi​—“Myalulo ku nkonko ya mu Bible”

Mu kipindji kya “Twi bantu kinyi?” ki mu jw.org/sop mwi mbalo ifunde shi: “Nkonko yabakambaa kwela.” Su tweubidisheena na ino nkonko yabakambaa kwela, twi balombeene kuleesha muntu e na lukalo mu site eetu a Internet bwa kupeta myaluulo ya mu Bible. Twi balombeene kufuba dingi na ino nkonko bwa kubanga mwisambo mu bulungudi. Twi balombeene kusangula lukonko alwiyipushaa bantu ba mu teritware eetu, ipusha muntu bi mmweneno aaye, akupu mulungule akyamba Bible, nsaa y’ofubu na mushindo wabadi baaluule mu jw.org. Kunyima, twibalombeene kumuleesha mbalo ibatupete lwaluulo lwetu. Ungi mushindo twi balombeene kumuleesha bwashi abadikye aye nabeene lwaluulo mususa umune mu site eetu a Internet. Ungi mukashi a mukunkushi a kifunda baadi mupete bipeta bibuwa p’aye kwamba shi: “Bantu bebungi abeyipusha shi: ‘Efile Mukulu nyi nsulo ya makyenga eetu?’ [ebaalulaa bino:] Okumiina kupeta lwaluulo penda mu sekonde 51?” Nka paapa abanga kumupushisha lwaluulo mu mayi akobole lwadi mwate mu telefone aaye. Afudiisha na kubanga kulonga naaye shapitre 11 a mukanda wa akilongyesha Bible.