Fuba na jw.org mu mudimo oobe wa bulungudi

Site eetu a Internet nyi nkyamo kikata akitukwasha bwa kupalakasha mukandu wibuwa “mpa na kufudiile nsenga.” (Bik. 1:8) Bantu bebungi t’abauku bya kupeta jw.org kwabo ku mashibo nya. Kadi abamushinguula nka su balungudi ba mukandu wibuwa abebaleesha anka.

Ungi mukunkushi a kifunda baadi mwate video a Bwakinyi abitungu kulonga Bible? ku Internet amwela mu telefone aaye na amuleeshanga bantu nsaa yooso pakudi mushindo. Bu kileshesho, nsaa yadi mu bulungudi bwa ku nshibo na nshibo mmulombeene kwakula shi: “Nkwete kwimonena na bantu mu minite ipeela bwa kwibakwasha bwashi bapete myalulo ya ino nkonko isatu i na muulo: Bwakinyi nsenga ishima ngiuule na nkalakasho? Mushindo kinyi wabakalumbuula nshalelo kwi Efile Mukulu? Mushindo kinyi watudi balombeeene kunyingiila p’atukyatutengyela? Uno video mwipi aluula yaaya nkonko.” Akupu afinyi mbote aashi video abangye na atala abikitshi yawa muntu. Video akaka binangu bya bantu mu mushindo washi bantu bebungi ta mbalombeene kukaasha meeso ku écran mpa na ku nfudiilo. Akupu yawa mukunkushi a kifunda amba shi: “Abakatuka mu nka kuleesha shi we mulombeene kuteka kulonga kwa Bible ku Internet. Kadi ami ne pano, nakyebe nkuleesha binobino mu kikoso mushindo wa kulonga Bible.” Su yawa muntu bakumiina, afuba na broshire a Mukandu wibuwa bwa kubanga kulonga naye Bible. Su yawa muntu te na nsaa, eepusheena naye bwabadya kulonga ungi mususa. Nsaa y’ende ku mbalo yabatomenaa café bwa kudya kunamashika, esambaa aa mayi amune kwi yawa mushaale mbwipi mwaye kunyima kwa kumulungula kamwanda kaadi mupushe. Okwete kufuba na jw.org mu mudimo oobe wa bulungudi su?