Tulongamisheyi mayele eetu mu mudimo wa bulungudi—Kukwasha balongi ba Bible bende kumpala bwa kwilambula na kubatshishibwa

BWAKINYI BI NA MUULO: Bwa kukuminyibwa na Yehowa, abitungu mulongi a Bible alambule muwa waye kwadi na abatshishibwe. (1Mp 3:21) Yehowa akalwilaa baaba abakitshi bipushene na kwilambula kwabo. (Mis 91:1, 2) Beena Kidishitu abelambulaa kwi Yehowa—kushii kwi muntu, ku mudimo sunga ku ndumbulwilo kampanda. Nyibwakinyi abitungu balongi ba Bible batamishe kifulo na lutumbu lwabo bwa Yehowa.—Lom 14:7, 8.

BYA KWIBIKITA:

• Nsaa yanukwete kulonga, taluulayi ingi myanda ayakwila pabitale Yehowa. Munyingishe bwadya kubadikanga Bible efuku dyooso na kwelanga nteko kwi Yehowa “kushii kukooka.”—1Tes 5:17; Shak 4:8

• Nyingisha mulongi oobe a Bible bwadya kwiatshila kitshibilo kya kwilambula na kubatshishibwa. Dingi, omukwashe bwadya kulombasha ingi myanda bu kwaluula mu bisangilo sunga kulambukishanga bakwabo na beena mudimo naye. Tentekyesha shi Yehowa tasukumaa muntu pa bukopo bwadya kumufubila. Kwilambula nyi kitshibilo kya muntu nabene.—Miy 30:19, 20

• Munyingishe bwadya kushintula myanda ayitungu bwa kusankisha Yehowa na kulombana bwa kubatshishibwa. (Nki 27:11) Bu byabidi shi bingi byubishi na ingi nyikashi abikalaa bimene mishi, abitungu kutungunuka na kumukwasha bwadya kufuula muntu a kala na kufwala muntu mupya. (Ef 4:22-24) Ikala obadika naye miisambo ayitukaa mu Kitenta kya Mulami ayamba shi: “Bible kwete kushintuula bantu”

• Mulondele miloo yoodi mupete pa kufubilanga Yehowa.—Yesh 48:17, 18