Ngono ya Bufumu ayipaa bantu mashimba anyingye

Mpoolo na Silase abaadi batumbishe Efile na loono pabaadi mu lukano. (Bik 16:25) Ano etu mafuku, bakwetu beena Kidishitu abayimbile loono pabaadi mu lukano lwa Sach-sen-hau-sen mu Allemagne nazie na pabaadi bebatwale mu Siberia. Bino bileshesho abilesha shi ngono i na bukome bwa kunyingisha beena Kidishitu nsaa yabadi mu bitompwanga.

Mu ndjimi ibungi abapete mukanda wa ngono wi na mutwe wa mwanda awamba shi Tuyimbileyi Yehowa na muloo. Nsaa yanwiupete, nwibalombene kulamina ngono mu binangu pa kwiyiyimba mu lulamgwilo lwa mu kifuko. (Ef 5:19) Na dingi, kikudi kiselele akinukwasha bwanudya kwiyitentekyesha panudi mubitompwanga. Ngono ya Bufumu i kwitukwasha bwa kutula binangu byetu ku lukulupilo. i kwitunyingisha nsaa yatudi mu bitompwanga, na patushi mu bitompwanga. Mayi emwanka aetukwasha bwa “kuyimba na muloo” mwanda aetukumu ku mashimba. (1Mya 15:16; Mis 33:1-3) Twitatshisheyi bwa kuyimba ngono ya Bufumu kalolo!

LESHA VIDEO AMBA SHI: LOONO LUBAADI LUPE BEENA LUKANO BUKOME, KUNYIMA NWALUULE INO NKONKO:

• Nkinyi kibaadi kitakule mukwetu frost bwa kutusha loono?

• Loono lubaadi lunyingishe bakwetu nsaa yababadi mu lukano lwa Sach-sen-hau-sen naminyi?

• Ngono ya Bufumu i nkukwasha mu myanda kinyi ya mu nshalelo a efuku dyooso?

• Okuminaa kulamiina loono kinyi lwa Bufumu?