We na lukumiino lunyingye mu milayilo ya Yehowa?

Yoshwa na Salomone abaadi bashinkamishe shi mayi ooso abaadi Yehowa mulee, tangakutwe kulombana. (Yos 23:14; 1Bf 8:56) Bukamonyi bwa bano bantu babidi, abukwatshishena bingi bishinkamisho bikata abitukwasha bwa kunyingisha lukumiino lwetu.—2Kod 13:1; Tt 1:2.

Mbikunyi bibaadi Yehowa mulombashe milayilo yaye mu mafuku a Yoshwa? Pamune na kifuko kyobe, bandjilayi video amba shi ‘Eyi su ndimunenka tandishaale kushii kipeta.’ Kunyima nutaluule ino nkonko: (1) We kwambula lukumiino lwa Rahabe naminyi? (Eb 11:31; Shak 2:24-26) (2) Kileshesho kya Akane akilesha naminyi shi kukutwa kwa kukokyela akufwishaa masaku? (3) Sunga shi beena Gabaone abaadi basalayi, bwakinyi abaadi badimbe Yoshwa na kukita kipwano na Isaleele? (4) Mbikunyi bibaadi eyi dya Yehowa dilombane nsaa ibaadi ba nfumu batano ba beena Amore abakyebe kulwa na Isaleele? (Yos 10:5-14) (5) Yehowa akukwashaa naminyi nsaa yotuulaa Bufumu na kululama kwaye pa mbalo ya ku mpala mu muwa oobe?​—Mat 6:33.

Su tubanangushena ku byooso bibaadi Yehowa mukite, ku byakwete kukita na ku byakakisthi, lukumiino lwetu alunyingi mu milayilo yaye.​—Lom 8:31, 32.