NSHALELO A BWINA KIDISHITU
Kulungula na kulongyesha—Kwi na mulo bwa kwikasha bantu bu balongi
Yesu bapeele balongi baye mwiya wa kwenda na kwikasha bantu bu balongi. (Mat 28:19) Bino abilesha kulungula na kulongyesha. Abitungu twikale atwiyipusha nsaa yooso shi: ‘Nkipaso kinyi kyandji mulombene kwilumbula mu ino myanda ya mudimo wa kwikasha bantu bu balongi?’
KULUNGULA
Pamutwe pa kutengyela bantu bwabadya kwitukimba, abitungu twende na kukimba na kishima baaba “balombeene.” (Mat 10:11) Nsaa yatudi mu bulungudi, atukimbaa mishindo yoso bwa kwisamba na muntu eese ‘atumono kwanka’ su? (Bik 17:17, Kilombeno kipya) Pa mwanda wa kishima kya bulungudi bwa Mpoolo mutumibwa, Lidii bafikile bu mulongi.—Bik 16:13-15.
“Namashika myaamina emiino dyoobe, kyoolwa naamu tolekanga eyaasa dyoobe adiikisha” (Mul 11:6)
TALA VIDEO A TUNGUNUKA NA KULUNGULA ‘KUSHII KULEKA’—MU MPUKAPUKA NA KU NSHIBO NA NSHIBO, AKUPU WALULE KU INO NKONKO AYILONDO:
Muyile kyubishi kyaye, nkipaso kinyi akilesha Samwele shi badi akimbi na kishima kukuna mbyo ya bya binyibinyi?
Bwakinyi abitungu tunyingiile mu mishindo yooso ya bulungudi?
We kwisamba na nnanyi mukandu wa Bufumu mu midimo yoobe ya pa kyubishi?
KULONGYESHA
Tatwi balombene kwikakasha bantu bu balongi penda mu kwibabila mikanda nya. Bwatudya kwibakwasha bwabadya kunyinga mu kikudi, abitungu twibalukiile na kulonga nabo Bible. (1Kod 3:6-9) Kadi twi kukita kinyi su kwitatshisha kwetu bwa kulongyesha muntu bya binyibinyi bya Bufumu t’akutusha bipeta bibuwa? (Mat 13:19-22) Abitungu tutungunukye na kukimba baba be na mashimba e bu “nsenga ibuwa.”—Mat 13:23; Bik 13:48.
“Ami ne mukune, Apolose mmumyamine meema; anka Efile nabene nyi bakushanga bintu.” (1Kod 3:6)
TALA VIDEO A TUNGUNUKA NA KULUNGULA ‘KUSHII KULEKA’—MU MA MBALO E BANTU BEBUNGI NA KWIKASHA BANTU BU BALONGI, AKUPU WALULE KU INO NKONKO AYILONDO:
Mmu kipaso kinyi mubabamyamina meema ku mbyo ya bya binyibinyi kwi Salomo na Marya mwishimba dya Ezekyele na Abigaile?
Abitungu twikale na katupwito kinyi mu mishindo yetu yoso ya bulungudi pamune na bulungudi bwa mbalo i bantu bebungi?
Twi kunyisha kushimika kasele bwa kulongyesha bangi bya binyibinyi naminyi?