Tulongamisheyi mayele eetu mu mudimo wa bulungudi—Kwasha ‘booso bambilwe’ bwabadya kufika balongi

BWAKINYI BI NA MUULO: Yehowa akushaa ntete ya bya binyibinyi bwayidya kukula mu mashimba a bantu “bambilwe muwa wa ikalaika.” (Bik 13:48; 1Kod 3:7) Tukwete kufuba naye pamune pa kwipaana mu bulungudi kwi baaba bakwete kutumikila byabakwete kulonga. (1Kod 9:26) Abitungu balongi ba Bible bashinguule shi lubatshisho lwa beena Kidishitu lwi na muulo bwa kupeta kipandjilo. (1Mp 3:21) Byabya, atwibakwasha bwabadya kufika balongi pa kwibalambukisha bwabadya kushintuluka mu nshalelo aabo, bwabadya kulambukisha na kulongyesha na bwabadya kulambula myuwa yabo kwi Yehowa.—Mat 28:19, 20.

BYA KWIBIKITA:

• Tentekyesha balongi ba Bible shi kabingilo ka kulonga kwabo nka kwibakwasha bwabadya ‘kuuka’ Yehowa na kumusangasha. —Yo 17:3

• Ebakwashe bwabadya kukula mu kikudi pa kukambila bitompwanga, bu mwikeelo wi bubi na ba kuuku bashii buwa

• Ebanyingishe na kwibakankamika kumpala na kunyima kwa kutambula.—Bik 14:22

TALA VIDEO AKULA SHI: YEHOWA AKAKUKWASHA, AKUPU WALULE KU INO NKONKO AYILONDO:

• Nkinyi ki kutshinyisha muntu bwa kwilambula na kubatshishibwa?

• Bakulu be kukwasha mulongi a Bible bwa kukula mu kikudi naminyi?

• Mukanda wa Yeeshayi 41:10 awitulonyesha kinyi pabitale Yehowa?

• Eyikashi kinyi di kwitupa ngobesha ya kufubila Yehowa bya kumiina, sunga byatudi bantu bashi bapwidikye?