NSHALELO A BWINA KIDISHITU

Kilombene kukita mulume na mukashi bwa kunyigisha dibaka dyabo

Abrahame na Saraa babadi na dibaka dya kileshesho ki buwa bwa kifulo na bwa kwinemekyeshena ku muntu na mukwabo. (Kib 12:11-13; 1Mp 3:6) Akunamu, dibaka dyabo tadibadi dipwidikye nya, na babaadi abanyingila nkalakashi mu nshalelo aabo. Ba mulume na mukashi mbalombebe kulongyela kinyi ku kileshesho kya Abrahame na Saraa?

Kwisamba muntu na kwabo. Kwaluula na kwiyisha ku bishima abinyongosha sunga abifitshisha munda bya mwina dibaka nobe. (Kib 16:5, 6) Kulumbula bwa kukisha nsaa pamune. Bikitshino na ngakwilo obe, ashinkamiisha mwina dibaka noobe’bi kifulo kyobe. Kumpala kwa bintu byooso, abitungu anwe booso nushinkamishe’shi nwi mu kipwano kibuuwa na Yehowa. (Mul 4:12) Eyibakishi dinyingye aditumbisha Yehowa, aye mwikale nsulo ya dibaka.

LESHA VIDEO AMBA’SHI: AKITUNGU KUKITA BWA KUNYINGISHA DIBAKA, AKUPU WALULE KU INO NKONKO AYILONDO:

Mu uno video, nkinyi kibalesha’shi Shaan na Kiara babaadi abakitshi myanda muntu na muntu pa bwaye?
Bwakinyi kwikala na lulamato na kwisamba myanda pa tooka mu dibaka kwina muulo?
Kileshesho kya Abrahame na Saraa kibaadi kikwashe Shaan na Kiara naminyi?
Shaan na Kiara babakitshine kinyi bwa kunyingisha dibaka dyabo?
Bwakinyi mulume na mukashi ntambalombene kukulupila’shi dibaka dyambo adikala dipwidikye?

Collage: Bipindji bya mu video a ‘Kilombene kukita mulume na mukashi bwa kunyigisha dibaka dyabo.’ Shaan na Kiara abakitshi kintu kya kunyingisha dibaka dyabo. 1. Mbashale ku masongo kwa nkwasa muntu ooso mutadiile kwaye kungi. 2. Mbekwateene ku maasa. 3. Bena muloo wa kufuba pamune mu mudimo wa bulungudi. — Wemulombene kunyingisha dibaka dyobe!