Kalwila eyibakishi dyobe

Yehowa ataa mutshipo w’eyibakishi na muulo ukata. Amba’shi t’abitungu mulume na mukashi beabulushena nya. (Mat 19:5, 6) Munkatshi mwa mwilo wa Yehowa mwi mayibakishi e bungi e na muloo. Anka, ta kwi eyibakishi dipwidikye. Nkulombene kutuka nkalakashi. Kadi t’abitungu twikale na mweneno e naye bantu bebungi a’shi, su mulume na mukashi be na nkalashi, abitungu belekene sunga kutshiba dibaka. Mmushindo kinyi ulombene bena Kidishitu beyibakishene kukalwila eyibakishi dyabo?

Tala myanda itano i na muulo yodya kukita.

1. Kalwila eshimba dyobe pa kupela bintu bu: kwikala mu kipwano kikilekile na muntu shi mwina dibaka nobe na kukisha kapapi na myanda i butete bilombene kubofusha eyibakishi dyobe.​—Mat 5:28; 2Mp 2:14.

2. Nyingisha kipwano kyobe n’Efile Mukulu na tamisha lukalo lobe lwa kumusangasha mu eyibakishi dyobe.​—Mis 97:10.

3. Tungunuka na kufwala muntu mupya, na kukita tu myanda tupeela twa kalolo atusangasha mwina dibaka nobe.​—Kol 3:8-10, 12-14.

4. Ikala na kanemo na kyubishi kya kwisambanga na mwina dibaka noobe.​—Kol 4:6.

5. Lombasha kitungo kya bu mulume na kya bu mukashi kwi mwina dibaka nobe na kifulo.​—1Kod 7:3, 4; 10:24.

Nsaa i bena Kidishitu abapa eyibakishi kinemo, abanemeka Yehowa Mupangi a eyibakishi.

TALA VIDEO AMBA’SHI ABITUNGU ‘TUSUUKYE NA MUFWAKA’​—NEMEKA MIYA YA MAASHA A LUBILO, AKUPU WALUULE KU INO NKONKO AYILONDO:

• 

  Sunga byekala’shi eyibakishi ndilombene kubanga bibuwa, nkalakashi kinyi ilombene kutuka?

• 

  Mayi a kulonda a mu Bible ngalombene kukwasha naminyi baba abepusha’shi be mu eyibakishi mwabashi na kifulo?

• 

  Yehowa mmwele miiya kinyi bwa eyibakishi?

• Bwa’shi eyibakishi dikale na muloo, nkinyi akitungu’shi mulume na mukashi bakite?