Lutumbu kwi Efile na Kidishitu​—bwa bulungantu abufiki mu mafuku e kumpala

Nkalakashi kinyi yokwete kufumankana nayo kwifuku dyoso? We mfumu a kifuko kwete kukimba bwa kulombasha mashito e bungi su? We muledi akusha bana bupenka kwete kwitatshisha bwa kulombasha nkalo ya kifuko kyobe su? We nsongwa e ku kalasa na bakwete kukolomona kwi benobe su? Okwete kwikalakasha bwa maladi sunga bwa nkalakashi ya ku bununu su? Muntu oso e nka na mwanda aumukalakasha. Bena Kidishitu bebungi bakwete kulwa na nkalakashi ibungi ayibafwila musango umune. Anka atwiuku’shi, atukyebe kupeta bulungantu binobino ku ino nkalakashi yoso.​—2Kod 4:16-18.

Pa kwamba’shi byabya bikitshikye, Yehowa apusha nkalakashi yetu, na aata na muulo lulamato lwetu na kunyingila kwetu, na aketwelela myabi ibungi. (Yel 29:11, 12) Na Yesu namu kwete kwitatshisha bwetu. Nsaa yatukwete kulombasha mashito eetu a bena Kidishitu, twi bashinkamishe bibambile Yesu’shi: “Nee neenu.” (Mat 28:20) Patwata nsaa ya kunangushena ku bulungantu bwetu bwa mafuku e kumpala mu Bufumu bw’Efile Mukulu, atunyingisha lukulupilo lwetu na kitshibilo kya kunyingila nkalakashi.​—Lom 8:19-21.

TALA VIDEO AMBA’SHI BU BIKWETE KWIFUBWILA KIPAPI KIBUKOPO, TUULA BINANGU BYOBE KWI YESU!​—MYABI YA BUFUMU I MU MAFUKU E KUMPALA, AKUPU WALUULE KU INO NKONKO AYILONDO:

• Mmushindo kinyi ubadi bantu bafikye kula n’Efile Mukulu na mbitushe bipeta kinyi?

• Mmyabi kinyi ayitengyela baba boso be na lulamato kwi Yehowa?

• Nkinyi kikwashe bwa’shi ino myabi i mu mafuku e kumpala ilombane?

• Mmyabi kinyi ya mu nsenga ipya yabadi betulee yokambaa kusankila?