NSHALELO A BUINA KIDISHITU
Ba kuku bobe ba ku Internete bananyi?
Kuku, nguno “mulamate kui ungi, muanda mumufule na amuataa na muulo.” Bu kileshesho, Yonatana na Davide ababangile kudia bu kuku bui bukopo kunyima kua Davide kuipaa Goliate. (1Sam 18:1) Oso a kuabadi, badi na nyikashi ibadi isankishe muinaye. Biabia, bu kuku bunyingie, mbuimene pa kiukilo kia binyibinyi. Anka bua kuuka ungi muntu, abiataa nsaa i bungi na bukome bui bungi. Kadi, mu ma site a Internete a kuisamba na bantu be bungi, mbibofule bua kupeta ba “kuku,” penda pa kufitshina mbalo ya kuibakumina. Bu biabidi’shi bantu ba mu Internete abalumbulaa bia kuakula na kulondesha abibamono bangi, bino mbibabofuile bua kufia kiabadi binyibinyi. Nyi buakinyi abitungu onangushene kumpala kua kukumina muntu bu kuku ku Internete. Biabia, totshinanga bua kupela kuikala mu bu kuku na bantu bosh’ouku, muanda wa’shi tala webatapa ku mashimba. Pa kumona masaku aatukila mu ma site a kuisamba na bantu be bungi, bangi mbasangule bua kupela kuiafubisha. Kadi su okumina kufubisha ano ma site, nkinyi akitungu’shi otentekieshe?
LESHA VIDEO AMBA’SHI: DIMUKILA MA SITE A INTERNET A KWISAMBA NA BANTU BEBUNGI, AKUPU NUALULE KU INO NKONKO AILONDO:
Mianda kinyi aitungu’shi tutalule kumpala kua kuela ma komantere na ma foto?
Buakinyi abitungu osangule ba kuku bobe ba mu Internete na binangu?
Buakinyi abitungu otshibe nsaa ya kukisha mu ma site a Internete a kuisamba na bantu be bungi?—Ef 5:15, 16