Suuka muteo​—wa ma site Internet a kwisamba na bantu bebungi

BWAKINYI BI NA MUULO: Nka bu biina mufubo bibungi, ma site a Internet a kwisamba na bantu bebungi e kwitukwasha sunga kwikala na masaku. Bangi bena Kidishitu tabakuminaa kufubisha ma site a Internet a kwisamba na bantu bebungi. Bangi bena Kidishitu namu a bafubishaa aa ma site bwa kwisamba na bena kifuko na ba kuuku. Anka Satana akumina shi tu fubishe aa ma site kushi budimu bilombene kulwishaa nkumo na kipwano kyetu na Yehowa. Nka bu Yesu twi kufuba na miya ya mw’Eyi dy’Efile Mukulu bwa kutundula masaku na kwiasuka.​—Luk 4:4, 8, 12.

MITEO YA KUSUUKA:

• Kufubisha bikishekishe ma site a Internet. Kukisha nsaa ikile bungi mu kwisamba na ba kuku, kwifundjishena ma message sunga kubandjila bifwatulo na ma video ku Internet kwi kwitwata nsaa i na muulo ayitungu bwa myanda ya mu kikudi

  Mayi a kulonda a mu Bible: Ef 5:15, 16; Fid 1:10

• Kutala bintu bi bubi. Kutala kwa bifwatulo bi bubi nkulombeene kufwisha muntu mu kutala pornografi sunga mu kutambuka lusandji. Kubadika bintu bya bantu basumbule lukumino sunga bintu bya bisaka bya bantu be mu Internet kwi kulwishaa lukumino lwetu

  Mayi a kulonda a mu Bible: Mat 5:28; Fid 4:8

• Kwela bifwatulo sunga komantere ibubi. Bu bikaleshi eshimba ndilamalama, muntu e kwipana mu kwela bifwatulo sunga ma komantere ebubi mu Internet. Byabya mbilombene kulwisha nkumo ya muntu sunga kulwisha kipwano kyaye na Yehowa

  Mayi a kulonda a mu Bible: Lom 14:13; Ef 4:29

TALA VIDEO AKULA SHI DIMUKILA MA SITE A INTERNET A KWISAMBA NA BANTU BEBUNGI AKUPU OTALULE BYA KUSUUKA INO MYANDA AYILONDO: