Fubisha mukanda wa We kuikala na muloo bua loso! bua kunyingisha lukumino mui Yehowa na Yesu

Bua kusankisha Efile Mukulu, abitungu balongi ba Bible bekale na lukumino lunyingie. (Eb 11:6) Tui kuibakuasha bua kukita bino pa kufubisha mukanda wa We kuikala na muloo bua loso! Uno mukanda wa kulonga nao, wi na bifundue bi na muulo, abipushika kalolo, mui nkonko i buwa, ma video aanyingisha na bifuatulo bi buwa. Tufubisheyi bina mudimo bi buwa, bi bukopo nsaa yatukuasha balongi betu ba Bible buabadia kudima nyikashi ya buina Kidishitu, na kunyingisha kipuano kiabo n’Efile Mukulu.​—1Kod 3:12-15.

Bangi bantu abapuandikisha’shi, bi bukopo kudia bu kuku n’Efile Mukulu muanda t’abamumono. Nyi buakinyi abitungu tuibakuashe buadia kuuka Yehowa na kumukulupila.

LESHA VIDEO A NYINGISHA LUKUMINO MUI YEHOWA PA KUFUBISHA MUKANDA WA “WE KUIKALA NA MULOO BUA LOSO!” AKUPU NUALULE KU INO NKONKO AYILONDO:

• Kinyi akilesha’shi mukuetu mukashi ekalanga muilumbuule kumpala kua kulonga?

• Mushindo kinyi ubafubisha ingi nkonko kalolo bua kukuasha mulongi aye buashi atushe bi biaye binangu pa bitale Yeeshaya 41:10, 13?

• Video na bifundue bia mu Bible, bibekala na bukitshishi kinyi kui mulongi a Bible?

Bantu be bungi tabauku nkuulo sunga’shi, t’abamumonaa bu kia buntu kibape Efile Mukulu. (Nga 2:20) Nyi buakinyi abitungu tuibakuashe buabadia kuikala na lukumino mu mulambu wa nkuulo wa Yesu.

LESHA VIDEO A NYINGISHA LUKUMINO MUI YESU PA KUFUBISHA MUKANDA WA “WE KUIKALA NA MULOO BUA LOSO!” AKUPU NUALULE KU INO NKONKO AYILONDO:

• Kinyi akilesha’shi mukuetu mulume ekalanga muilumbuule kalolo kumpala kua kulonga?

• Mushindo kinyi ubasangula kalolo muisambo wi mu kipindi kia “Taluula dingi” bua kukuasha mulongi a Bible?

• Buakinyi kuteka bua mulongi obe a Bible kui na muulo?