Fubisha We kuikala na muloo bua loso! mu bulungudi

Tui na muloo ukata wa kupeta broshire na mukanda bipia, bua kulonga na bantu Bible. Atutekie Yehawa bua’shi elele kuikitshisha kuetu miabi bua kuikasha bantu bu balongi. (Mat 28:18-20; 1Kod 3:6-9) Mushindo kinyi watudia kufubisha bino bina mudimo bipia?

Bu bi broshire a We kuikala na muloo bua loso! Mbangilo a kulonga kua Bible, e na waye mushindo upia wa kulongiesha, londa ino mianda pu’elumbula, na p’olongo Bible na bantu.a

• Badikayi pa kipindi ki’anulongo, akupu nuisambile nkonko

• Nubadikie bifundue biabadi bafunde’shi: “badika,” na okuashe mulongi buadia kupusha ki’abilesha

• Lesha ma video na nui esambile, ofubishe nkonko yoso yabadi bele

• Nuitatshishe bua kupudisha dilongiesha mususa umune

Mu bulungudi, obadiile kupa muntu broshire bua kumona su ena lukalo. (Tala kashibo akamba’shi: “Bia kutusha broshire a We kuikala na muloo bua loso! mu kuimonena dia kumpala.”) Su nubapu kulonga pamune boroshire, na mulongi ki’akumina’shi nutungunukie, ngi omupe mukanda na nubangie mu dilongiesha dia 04. Su oki’olongo na muntu mu mukanda wa Akilongiesha Bible sunga wa Bia kushaala mu kifulo ky’Efile, tuela naye mu mukadna wa We kuikala na muloo bua loso! na otale mbalo yanudia kubangila.

TALA VIDEO AMBA’SHI: KUFIKA KUI BUWA MU KULONGA KOBE KUA BIBLE, AKUPU WALULE KU NKONKO AILONDO:

• Nkinyi akikalongo balongi mu mukanda upia?

• Buakinyi abitungu kulesha balongi bapia uno video?

• Tuipatshila kinyi atutungu’shi onyingishe mulongi a Bible kapela kapela, bua’shi ekale nato na etulombashe?​—Tala kashibo akamba’shi: “Mianda ikata na bipatshila bua kipindi kioso”