Bya kufuba na broshire​—a Pushisha Efile

Broshire a Pushisha Efile, mbamukite bwa kulongyesha bya binyibinyi bya kitako bya mu Bible kwi bantu be na lukalakashi lwa kubadika. Dilongyesha dyooso ndyate masaki abidi e na bifwatulo byabadi balumbuule kalolo, ku kifwatulo kyooso kwi ka kitundwilo akakukwasha bwa kwenda na kupatuula bifwatulo muyile kwilondena kwabyo.

Broshire a Pushisha Efile bwashi wekale na muwa wa looso, e na bifwatulo bi mumune na bi mu broshire a Pushisha Efile, kadi aye, e na bifundwe bibungi na mutushibwe bwa kulonga na bantu balombene kubadika. Balungudi abakuminaa kumufubisha nsaa i mulongi afubisha broshire a Pushisha Efile nsaa yabakwete kulonga. Masaki ebungi, e na tushibo twi na ingi myanda yanudi balombene kutaluula, mupunda kiukilo kya mulongi.

Nwi kumupa bantu nsaa yooso sunga shi tambaleshe bwa kwibapa anka wawa mweshi. Nsaa yolongo na muntu Bible, fubisha bifwatulo bwa kulesha byabidi bipushene na bifundwe. Ela mulongi nkonko bwa kwiuka su balamina byanubalongo. Badikayi bifundwe bi kuushi kw’esaki dyooso na nwibitaluule. Su nubapudisha kulonga uno broshire, nubangye kulonga mukanda wa A nkinyi akilongyesha namu Bible? sunga A nkinyi akitulongyesha Bible? bwa kukwasha mulongi bwadya kubatshishibwa.