Mbibofule bua’shi bantu be n’ekoba dilekene beatene na muulo umune su?​—Bible akula kinyi?

Bua bantu bebungi, bua’shi bantu be n’ekoba dilekene beatene na muulo umune, bi nka bu kilotua kish’akilombana.

• “Ntondo y’ekoba ikuete kutungunuka na kuluisha ndumbuluilo ibungi, bisaka bia bantu, na mianda ya mu nshalelo a kuifuku n’efuku. Ayitungunuka na kutakula bantu mu kuikitena mianda ya kukutua kululama.”​—António Guterres, Secrétaire général des Nations unies.

Kui efuku adikala bantu be n’ekoba dilekene abeatena na muulo umune su? Bible akula kinyi?

Mmueneno a Efile Mukulu pabitale buumune bu’ekoba

Bible etulongiesha bi mmueneno a Efile Mukulu pabitale bantu be n’ekoba dilekene.

• “Na ku muntu umune, [Efile Mukulu] mmukite miilo yoso ya bantu buayidia kushala pa nsenga yoso.”​—Bikitshino 17:26, NWT.

• “Efile Mukulu te na ntondo, kadi akumiina muntu a mu muilo oso amutshinyi na akitshi kiakia kilulame.”​—Bikitshino 10:34, 35.

Bible alesha patooka’shi bantu boso be mumune na’shi Efile Mukulu akuminaa bantu b’ekoba dioso.

Mushindo aukalombana buumune bu’ekoba dia bantu

Bufumu bu’Efile Mukulu, mbulamatadi a muiyilu, nyi abukakitshi bia’shi bantu be n’ekoba dilekene beatene na muulo umune. Yawa mbulamatadi akalongiesha bantu buabadia kuikitena mianda ibuwa. Bantu abakalongo biabadia kukambila binangu bioso bia ntondo y’ekoba biabadi balombene kuikala nabio.

• “Bantu boso [abakalongo] bya kufubila kululama.”​—Yeeshaya 26:9.

• “Kululama akutuusha butaale bu kikuba: kululama akutuusha kwiyikeela na ku matwi talala bwa looso.”​—Yeeshaya 32:17.

Lelo uno, bantu midiyo bakuete kulonga mu Bible biabadia kukitshina bangi mianda na kanemo na kuibadinga.

• Bua kuuka bibungi, badika Réveillez-vous! amba’shi: “Y a-t-il un remède contre les préjugés?”

• Badika muisambo awamba’shi: “Comment parler de racisme à votre enfant” bua kulonga mushindo ulombene ba nambutuile kuisamba uno muanda ku nshibo kuabo.