Pabitale bukome bua mbidi​—Tala akikakitshi Bufumu bu’Efile Mukulu

“Sunga biekala’shi kipupa kia COVID-19 takipuile mu nsenga ishima, bino tabilesha’shi kipupa takikuata dingi bantu mu nsenga ishima nya. . . . Apatuuku kingi kipupa abitungu tuikale belumbule.”​—Tedros Adhanom Ghebreyesus, mukata atalaa mianda ya mpitalo mu nsenga ishima, 22/5/2023.

Bantu bebungi bakiabakiengie na nkalakashi ya mu binangu na ya ku mbidi ayitukila ku kipupa kia COVID-19. Mbulamatadi na bantu abatalaa mianda ya mbidi bukome (mpitalo) abekala na ngobesha ya kukambila kingi kipupa kilombene kutuuka su? Be na mushindo wa kupudisha nkalakashi itale mianda ya mbidi bukome i kuanka kano kabidi su?

Bible akula’shi kui mbulamatadi mulombene kukuasha muntu oso bua kuikala na mbidi bukome. Akula’shi: ‘Efile a muiyilu eebuesha bufumu’, sunga mbulamatadi. (Ndanyele 2:44) Mu bukunkushi bua buno bufumu, ‘muntu sunga ngumune takamba dimo’shi: “Ne na mukumbo.”’ (Yeshaya 33:24) Muntu oso akekala kushi kukumba na mbidi bukome nka bu pabaadi nsongua.​—Yobo 33:25.