KIPINDJI 4

Abaadi bapushiishe Satana—Nkinyi kibebafikiile?

Adame na Eeva abafwile mwanda wa kukutwa kwa kukokyela Efile. Kibangilo 3:6, 23

Eeva adi kikuba kya kumushi wabadi bebatoshe akupu bapa mulume kipese

Eeva badi mupushiishe nyoka aye nkudya kikuba. Akupu, aye nkwikipa Adame, aye namu nyi nkudya.

Adame na Eeva abakatuka mu lupango lwa Edene

Kyakya ki babadi bakite—Nyi milwisho. Efile bebatushile mu mpaladiiso.

Nshalelo bebafikiile bukopo bwa abo banabene, na bwa bana baabo. Abanunupile abo nkufwa. Tababayile mwiyilu sunga ingi mbalo kampanda nya; tababekeele dimo kwanka nya.

Bafwe ta beena muwa, benka bu lufufi. Kibangilo 3:19

Bantu ba tubila twilekene mu bipungo bilekene

Tukwete kufwa mwanda atwe booso tui bana ba Adame na Eeva. Bafwe ta mbalombeene kumona, kupusha sunga kukita kintu kampanda nya.—Mulungudi 9:5, 10.

Nsongwakashi bafu bakwete kumudila kwi kifuko kyaaye

Yehowa tabapangile bantu bwashi bafwe nya. Kubashala mafuku apeela bwashi asangushe booso balale mu lufu. Su bakamupushisha, abakekala na muwa wa looso.